Prezident Francyi Emanuel Makron pravioŭ u Strasburhu sustreču z ukrainskim režysioram Aleham Siancovym, jaki bolš za 5 hadoŭ pravioŭ u źniavoleńni ŭ Rasii i byŭ niadaŭna vyzvaleny ŭ ramkach abmienu pamiž Ukrainaj i Rasijaj, paviedamlaje Radyjo Svaboda.
Ukrainski telekanał «Pieršy» apublikavaŭ videa pačatku sustrečy. Makron spytaŭ Siancova ab jaho tvorčych płanach. Toj adkazaŭ, što maje namier viarnucca da kino i praciahnie pisać knihi, ale ciapier hetyja płany «adsunulisia».
Siancoŭ padziakavaŭ Makronu za ŭvahu da jaho losu. Havorka zajšła i pra los ukraincaŭ, jakija zastajucca ŭ rasijskim źniavoleńni.
Hramadzianskaja supolnaść i ŭłady Francyi aktyŭna vystupali ŭ padtrymku Siancova, jaki ŭ minułym hodzie niekalki miesiacaŭ trymaŭ haładoŭku za vyzvaleńnie ŭkrainskich viaźniaŭ u Rasii. Jon staŭ hanarovym hramadzianinam Paryža. Pa rašeńni Jeŭraparłamienta jon taksama staŭ łaŭreatam premii Sacharava.
Kamientary