Rasija praciahvaje ŭzmacniać abmiežavańni na impart z Armienii paśla pieramohi partyi premjer-ministra Nikoła Pašyniana na parłamienckich vybarach i pačatku akazańnia ES finansavaj dapamohi Jerevanu.
U piatnicu Raśsielhasnahlad abviaściŭ pra poŭnuju zabaronu na ŭvoz armianskaj rybnaj pradukcyi z-za «vyjaŭlenych parušeńniaŭ» u dvuch vytvorcaŭ — TAA «MF Eksport» i TAA «Inviest plus».
Da hetaha rasijskija ŭłady dazvalali pastaŭki ryby tolki hetym armianskim pradpryjemstvam, abmiežavaŭšy impart dla ŭsich astatnich. Pry hetym u dačynieńni da «ŭchvalenych» pastaŭščykoŭ byŭ uviedzieny režym uzmocnienaha łabaratornaha kantrolu.
Pavodle infarmacyi Raśsielhasnahladu, pa vynikach analizu sabranych materyjałaŭ było pryniata rašeńnie «prypynić siertyfikacyju pradukcyi nazvanych pradpryjemstvaŭ da likvidacyi vyjaŭlenych parušeńniaŭ». U viedamstvie zajavili, što praciahvajecca rabota pa zabieśpiačeńni biaśpieki rybnaj pradukcyi, jakaja pastupaje na rasijski rynak.
Raniej Maskva ŭviała šerah abmiežavańniaŭ na ŭvoz i prodaž unutry krainy roznych katehoryj armianskich tavaraŭ — ad kvietak da harodniny.
Na hetym fonie Jeŭrapiejski sajuz pačaŭ akazvać Jerevanu finansavuju dapamohu ŭ jakaści «mier salidarnaści dla ŭmacavańnia ekanamičnaj ŭstojlivaści, piša Moscow Times.
Kamientary