Jak u Amierycy. U Babrujsku handlovy centr adčyniali z pompaj, pierarazańniem čyrvonaj stužki i šturmam dźviarej
Handlovy centr «Etažerka» adkryŭsia 25 červienia.
Uračystaja cyrymonija ź pierarazańniem čyrvonaj stužki sabrała vialikuju kolkaść ludziej, piša bobr.by.
Cikaŭnyja pačali padychodzić da novaha handlovaha centra jašče za paŭtary hadziny da adkryćcia. Było niamała dziaciej i padletkaŭ.
U adkryćci ŭziali ŭdzieł staršynia Babrujskaha harvykankama Maksim Huryn, zasnavalnik «Budprajekt-R» Ihar Turłyka i dyrektarka TAA «Handlovy dom Prostor» Natalla Anatoljeŭna Nieściarovič.
Hanarovyja hości pieršymi ŭvajšli pad sklapieńni novaha handlovaha centra. Zatym u handlovyja zały pačali zachodzić ludzi, jakija ŭžo paśpieli stamicca ad haračaha červieńskaha sonca.
Emacyjnaść i ažyjataž dziaciej i padletkaŭ u natoŭpie vyklikali peŭnyja aściarohi. I praz paŭhadziny paśla adkryćcia ščylny patok achvotnych zazirnuć unutr «Etažerki» nie źmianšaŭsia.
Kamientary