Film «Džokier» (Joker) amierykanskaha režysiora Toda Filipsa sabraŭ u ZŠA $ 93,5 młn u pieršy ŭikend prakatu, pišuć infarmahienctvy.
Stužka zmahła takim čynam ustalavać rekord, staŭšy samaj prybytkovaj pa vynikach pieršaha ŭikenda ź liku ŭsich filmaŭ, jakija vypuskalisia kali-niebudź u kastryčniku. Na praciahu apošniaha hoda hety rekord utrymlivaŭ fantastyčny film «Vienom» (Venom, 2018) Rubiena Flajšera z Tomam Chardzi u hałoŭnaj roli. Jamu ŭdałosia sabrać u prakacie $ 80 młn za pieršyja vychodnyja.
U mižnarodnym prakacie stužka pra Džokiera sabrała $ 140,5 młn. Jana była pakazanaja ŭ 22,5 tys. kinateatraŭ u 73 krainach śvietu.
Karcina raspaviadaje historyju Džokiera - hałoŭnaha antahanista supierhieroja Betmena z komiksaŭ vydaviectva DC Comics. 7 vieraśnia «Džokier», hałoŭnuju rolu ŭ jakim vykanaŭ trochrazovy naminant na premiju «Ockar» Chaakin Fieniks, byŭ uhanaravany «Załatym ilvom Śviatoha Marka» 76-ha Vieniecyjanskaha kinafiestyvalu.
Krytyki pradkazvajuć hetaj pracy, jakaja nijak nie źviazanaja z papiarednimi filmami pra Betmena, naminacyju na «Oskar».
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary