Łukašenka: Pryjšoŭ čas viarnucca na šlach narmalizacyi adnosin Biełarusi i ZŠA
Alaksandr Łukašenka nakiravaŭ Donaldu Trampu vinšavańnie z Dniom Niezaležnaści ZŠA. Zvyčajna jon nie vinšuje lidaraŭ «niedružalubnych» krain.
Alaksandr Łukašenka ad imia suajčyńnikaŭ i siabie asabista pavinšavaŭ prezidenta Złučanych Štataŭ Amieryki Donalda Trampa i ŭsich amierykancaŭ z Dniom Niezaležnaści.
«U pieryjad vašaha pieršaha prezidenctva Minsk i Vašynhton stali na šlach narmalizacyi adnosin. Na žal, u peŭny momant biełaruska-amierykanskaje ŭzajemadziejańnie adyšło ad toj pazityŭnaj linii, — adznačyŭ palityk. — Pierakanany, što takoje stanovišča nie adpaviadaje nacyjanalnym intaresam ni našych krain, ni narodaŭ. Nastaŭ čas jaho źmianić».
Biełaruś zaŭsiody vystupała za pabudovu kanstruktyŭnaha i pavažlivaha dyjałoha z ZŠA, zajaviŭ Łukašenka.
Paśla padziej 2020 hoda Łukašenka pierastaŭ vinšavać kiraŭnikoŭ tak zvanych «niedružalubnych» krain. Zamiest hetaha publikujecca vinšavańnie ich narodu.
Paśla viartańnia Donalda Trampa na pasadu prezidenta ZŠA byli adnoŭlenyja biełaruska-amierykanskija kantakty. Vynikam hetaha staŭ vizit u Minsk śpiecpasłańnika Trampa Kita Kiełaha ŭ Minsk, paśla čaho byli vyzvalenyja 14 palitviaźniaŭ, u tym liku i Siarhiej Cichanoŭski.
Kamientary