Čarha da 4 ranicy: prodažy iPhone 11 u Biełarusi pieršaj adkryła kampanija A1
Mnohija biełarusy nie stali čakać siońniašniaj ranicy i ŭžo kupili sabie novy iPhone 11 — dla pakupnikoŭ-paŭnočnikaŭ centr ličbavych pasłuh A1 u Minsku na vulicy Internacyjanalnaj, 36 adkryŭ prodaž smartfonaŭ jašče ŭ 00:01. Čarha ź pieršych naviednikaŭ kramy razyšłasia tolki da 4 hadzin.
Roŭna ŭ 00:01 zabrać zroblenuju zahadzia pieradzamovu pryjšoŭ Alaksiej razam z žonkaj Marynaj.«Heta siurpryz na dzień naradžeńnia žonki. Hadziny za dźvie ja papiaredziŭ jaje, što nam treba budzie niekudy pajści, ale, pakul joj nie dali telefon u ruki, jana ničoha nie viedała. U nas da hetaha byli spravy, tamu poźniaja prahułka niečakanaściu nie stała — prosta my krychu źmianili svoj maršrut», — raspavioŭ Alaksiej.
«Dla mianie heta było niečakanaściu! Na minułym tydni muž kazaŭ, što chutka pačnucca prodažy, pytaŭsia, što ja dumaju — mabyć, namiakaŭ. Kali padyšli da kramy, ja padumała: «Chutčej za ŭsio, my pryjšli pa telefon». Ale ŭsio roŭna nie była ni ŭ čym ŭpeŭnienaja. Jon ža zaŭsiody mianie ździŭlaje! I zaraz ździviŭ — heta moj pieršy ajfon. Raniej nikoli imi nie karystałasia, a ciapier u mianie iPhone 11», — padzialiłasia ŭražańniami Maryna.
Jana z mužam, jak i ŭsie abanienty A1, jakija aformili svaje zamovy zahadzia ŭ rasterminoŭku, u dadatak da telefona jašče i atrymali bonus — kešbek 100 rubloŭ na asabisty rachunak. A karystalnikam taryfaŭ «Kamfort» paśla kupli dajecca paŭhadavy bieźlimit na mabilny internet.
Pakul svaje pakupki afarmlali pieršyja pakupniki, u kramie ŭžo ŭtvaryłasia nievialikaja čarha. Marat taksama pryjšoŭ zabrać svoj iPhone 11: «Mnie pa pracy treba testavać dadatki na iOS, a ŭ mianie Android. Prasić pastajanna ŭ siabroŭ ajfon niazručna, tamu patrebien svoj. Kali ŭbačyŭ hetuju madel na prezientacyi, padumaŭ, što znajšoŭ jakraz toje, što mnie treba. Jašče i korpus u jaje fijaletavy, a heta moj lubimy koler. Uvohule, vyrašyŭ, što ŭsio ž taki vaźmu telefon. Tym bolš što madel novaja, jašče šmat hadoŭ budzie aktualnaja. Zabrać zamovu zaŭtra ci paślazaŭtra ŭ mianie prosta niama času, tamu pryjechaŭ ciapier».
Kab čas čakańnia prachodziŭ u kamfortnaj abstanoŭcy dla kožnaha, chto vyrašyŭ kupić iPhone 11, iPhone 11 Pro i iPhone 11 Pro Max u noč z 24 na 25 kastryčnika, centr ličbavych pasłuh A1 časova źmianiŭ svaju zała ŭ lounge-prastoru z fotazonaj, rassłablalnaj muzykaj i haračymi napojami. A kožnaha ŭładalnika novaha iPhone dadomu biaspłatna dastavili na taksi.
Krama pracavała da apošniaha naviedvalnika i začyniłasia tolki ŭ 04:00. Najbolšym popytam pakul karystajucca madeli iPhone 11 čornaha koleru, a taksama iPhone 11 Pro i iPhone 11 Pro Max ź ciomna-zialonym korpusam.
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha45
Kamientary