Palina Respublika paŭdzielničaje ŭ śpiektakli razam ź dziećmi z aŭtyzmam
10 listapada ŭ DK MAZ siamiejny inkluziŭ-teatr «i» pakaža svaju samuju papularnuju pastanoŭku «Vosiem pačućciaŭ abo naradžeńnie čałavieka». U śpiektakli hrajuć 80 akcioraŭ — u šeść razoŭ bolš, čym u «Čajcy», u čatyry razy bolš, čym u kłasičnaj «Paŭlincy». Vialikuju kampaniju artystaŭ 10 listapada dapoŭnić śpiavačka PALINA.
Hałoŭnyja hieroi śpiektakla «Vosiem pačućciaŭ abo naradžeńnie čałavieka» — supiarečlivyja pačućci, jakija čas ad času achoplivajuć kožnaha: złość, sum, intares, kryŭda, strach, radaść, zadavalnieńnie, vina. Palina Pałaniejčyk, viadomaja publicy pad psieŭdanimami PALINA i Palina Respublika, stanie śpiecyjalnaj hościaj imprezy, praśpiavaje dla hledačoŭ pastanoŭki i zrobić sumiesnaje fota z usimi achvotnymi.
— Śpiektakl «Vosiem pačućciaŭ abo naradžeńnie čałavieka» — važnaja častka našaha repiertuaru, — kamientuje kiraŭnik siamiejnaha inkluziŭ-teatra «i» Iryna Puškarova. — Hetaja pastanoŭka pra pačućci — kancentracyja ułasnych emocyj i pieražyvańniaŭ akcioraŭ. U joj udzielničajuć 80 artystaŭ ad 6 hadoŭ i starejšyja, a ideju tvora prydumaŭ naš 12-hadovy vychavaniec Kastuś Žybul. Hetym śpiektaklem my adkryvajem čaćviorty teatralny siezon, vielmi ŭdziačnyja Palinie i ŭsim, chto padtrymaŭ i jašče padtrymaje prajekt.
U siamiejnym inkluziŭ-teatry «i» hraje bolš za 100 akcioraŭ, u tym liku dzieci z aŭtyzmam. Kvitki na pastanoŭku «Vosiem pačućciaŭ abo naradžeńnie čałavieka» možna kupić na bycard.by abo pa telefonie +375 (29) 622-20-90.
Kamientary