«Prosta ŭ nas šapito skončyłasia». U Biełdziaržcyrku patłumačyli, čamu vymušanyja šukać adrazu 15 supracoŭnikaŭ
Biełaruski dziaržaŭny cyrk abviaściŭ pra pošuk adrazu 15 supracoŭnikaŭ. Ź ich vialikaja častka vakansij — tvorčyja. Čamu ŭ cyrku šukajuć tak šmat ludziej? Pad vyhladam šukalnicy vakansii žurnalistka vydańnia «Lusterka» patelefanavała va ŭstanovu, kab daviedacca, z čym źviazanaje zvalnieńnie takoj vialikaj kolkaści rabotnikaŭ.
«Vy možacie nie chvalavacca, heta prosta ŭ nas šapito skončyłasia, tamu vakansii adkrylisia, zaraz jany znoŭ zakryvajucca. Nam treba było vystavić», — raskazaŭ dyrektar cyrka Uładzimir Šaban i paprasiŭ źviazacca ź jahonaj pamočnicaj.
Taja adznačyła, što vakansii źjavilisia nie adnačasova, a pastupova.
«Mahčyma, vam raniej nie traplałasia naša abjava, tamu što redka chto zachodzić na sajt cyrka [u hety raździeł], — patłumačyła pamočnica dyrektara. — A vakansij u nas šmat, tamu što, u pryncypie, u nas šmat štatnych adzinak, a pakolki ŭ Biełarusi niama mienavita cyrkavoha vučylišča i my kraina maleńkaja, znajści prafiesijnych ludziej davoli składana. Nie, heta nie značyć, što ad nas adnačasova ŭsie pajšli. U nas štat vialiki, prosta sapraŭdy vialiki, u nas nie dziesiać čałaviek u štacie pracuje, tamu dziesiać vakansij na fonie 300 čałaviek, paviercie, heta nie tak užo i šmat».
Pry hetym supracoŭnica zapeŭniła, što zarobki ŭ cyrku płaciać svoječasova i nie zatrymlivajuć.
«Ja tut pracuju 20 hadoŭ, ale na majoj pamiaci takoha nie było, — śćviardžaje jana. Adnak viłku zarobkaŭ ahučyć nie zmahła, zajaviŭšy, što ŭsio vyrašajecca, «kali vy pryjdziecie».
«U nas va ŭsich roznyja zarobki, i pryniata niejak nie abmiarkoŭvać heta pamiž saboj, tamu. Ja navat nie viedaju na ŭzroŭni čutak, što tam adbyvajecca, — skazała pamočnica dyrektara. — Nu i znoŭ ža ŭsio zaležyć ad kvalifikacyi, ad vašych umieńniaŭ. Kali vy tam, ja nie viedaju, vobrazna kažučy, skačacie try salta-martale, heta budzie adzin zarobak, kali dva — to inšy».
Što tyčycca vakansij, jakija visiać na sajcie z 3 listapada 2023 hoda, to supracoŭnica cyrka dapuściła: nie vyklučana, što heta staronka nie abnaŭlałasia.
«Ale kali jany tam visiać, to całkam mahčyma, što ŭ nas jašče patrabujucca [supracoŭniki]. Dla prykładu: nam patrabujecca piać kłoŭnaŭ. Nu znajści za raz piać kłoŭnaŭ davoli składana», — patłumačyła jana.
Miž tym na sajcie Dziaržaŭnaj słužby zaniataści značycca 15 vakansij ad Biełdziaržcyrka. Tak, artystam baleta hatovyja płacić 1500—2000 rubloŭ, unifarmistu (śpiecyjalist, jaki zaściłaje maniež, ustaloŭvaje abstalavańnie i h. d.) — 1600—2000 rubloŭ, dresiroŭščyku — 375—625 rubloŭ za čverć staŭki. Prybiralščykam i rabočym — 1200—1500 rubloŭ, ekanamistu — 1500—2000 rubloŭ.
«A dzie ŭsie?» Biełdziaržcyrk šukaje adrazu 15 rabotnikaŭ. U kamientarach — šapito
Minskaja kampanija prapanuje pracu 10‑ci kiroŭcam taksi. Abaviazkovaja ŭmova — viedańnie turkmienskaj movy
U Hrodzienski dramteatr pryjšła maładaja aktrysa z Rasii. U teatra kadravyja prablemy
«On pašiet, ja krasivaja». Kałhas na Mazyrščynie zavablivaje rabotnikaŭ pieśniami i tancami VIDEA
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4545
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie45
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary