U Mahilovie kafe doryć školnikam słodyčy za dobryja adznaki. Treba tolki pakazać dziońnik
Prynamsi pakul akcyja biesterminovaja.
Mahiloŭskaje kafe Snack time, jakoje adkryłasia hetym letam pa adrasie Hryšyna, 61, zładziła akcyju dla školnikaŭ. Vučni, jakija pryniasuć dziońnik z dobrymi adznakami, atrymlivajuć u padarunak cukierki abo inšyja słodyčy.
«Ciapier u vašaha školnika jość dadatkovy stymuł staracca na ŭrokach. Usio prosta: prychodźcie da nas, pakazvajcie dziońnik ź biahučymi pośpiechami, i vaša dzicia atrymaje zasłužany padarunak!» — havorycca ŭ apisańni akcyi ŭ instahram-akauncie ŭstanovy.
Taksama infarmacyja ab akcyi raźmieščana niepasredna na kasie kafe.
Vučniaŭ, achvotnych atrymać sałodki padarunak za dobryja adznaki, pa ŭsioj bačnaści chapaje. U tym liku praz toje, što pobač z kaviarniaj znachodzicca 25‑ia škoła.
Mahiloŭskaja błohierka vykłała videa z kaviarni ŭ tredsach — pad im dziasiatki chvalebnych kamientaroŭ.
«Małajcy i dzieci, i ŭstanova. Kłasny stymuł dzietkam dobra vučycca. I rekłama ŭstanovie», — napisała adna z žančyn.
«Samaje dobraje, što ja bačyła», «Ideja supier! Čamu ja ŭžo nie školnik?» — aceńvajuć inšyja.
«Prykolna, ale moža być čužy dziońnik», — źviartaje ŭvahu adzin z karystalnikaŭ.
Chtości zhadaŭ, što padobnaja akcyja była ŭ stalicy. «U Minsku kala škoły jość šaurmičnaja, i jany ŭ minułym hodzie za dobruju adznaku ŭ dziońniku davali kupon na 5 rubloŭ».
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki4
Kamientary
V Hiermanii i Avstrii, hdie ja živu, tožie takije akcii, i vo mnohich zaviedienijach