Dźmitry Kazłoŭ viadzie błoh «Sieryj kot». Ciapier jon u aršanskim izalatary časovaha ŭtrymańnia. 30 listapada na 9 hadzinaŭ ranicy jaho vyklikali ŭ miascovaje adździaleńnie milicyi. Paśla jon pierastaŭ vychodzić na suviaź, piša Radyjo Svaboda.
Pra źniavoleńnie paviedamiŭ staršynia niezaležnaha prafsajuzu REP u Voršy Alaksandar Bułaŭka. Pa jahonych słovach, dziažurny izalataru praz telefon paviedamiŭ, što Dźmitry Kazłoŭ administracyjna zatrymany da sudu i jaho spravu razhledziać 2 śniežnia.
Napiaredadni Dźmitry Kazłoŭ dapuskaŭ zatrymańnie za ŭdzieł u pikiecie la budynka Centralnaj vybarčaj kamisii 16 listapada. 20 listapada jon mieŭsia być na razhladzie spravy ab administracyjnym pravaparušeńni ŭ sudzie ŭ Miensku.
Dźmitry Kazłoŭ byŭ zarehistravany kandydatam u deputaty Pałaty pradstaŭnikoŭ. Ale paśla jaho źniali z vybaraŭ. Jon aktyŭna ŭdzielničaŭ u akcyi 16 listapada ŭ Miensku.
Kamientary