«Prylot byŭ prosta ŭ akno». U Kijevie padčas varožaj ataki zahinuła 26‑hadovaja rabotnica banka
«Zaraz nie maju emocyj. Nie maju słoŭ. Navat hety post pišu ŭvieś dzień. Ale chaču pakinuć fota na pamiać, na jakoje ja hladzieŭ kožny viečar hadzinami, kali my z taboj pierapisvalisia, Liz», — napisaŭ chłopiec, jaki mieŭ da dziaŭčyny ramantyčnyja pačućci.
U Kijevie ŭ vyniku ŭčorašniaj varožaj ataki zahinuła 26‑hadovaja supracoŭnica banka Lizavieta Dziaŭdziuk — rasijski bieśpiłotnik trapiŭ prosta ŭ akno kvatery dziaŭčyny. Pra heta paviedamili kalehi dziaŭčyny z OTP Bank i jaje znajomy Ženia ŭ Threads, piša «Ukrainskaja praŭda».
U kampanii raspaviali, što Jelizavieta pracavała ŭ ich apošnija čatyry hady. Za hety čas jana paśpieła prademanstravać zdolnaść chutka vučycca, vykonvać samyja składanyja zadańni i zaŭsiody imknucca da bolšaha.
Znajomy zahinułaj raskazaŭ, što niekalki hadoŭ tamu mieŭ da jaje ramantyčnyja pačućci.
«Siońnia ja daviedaŭsia, što ŭ vyniku ranišniaha abstrełu zahinuła dziaŭčyna ŭ Kijevie. Prylot prosta ŭ jaje akno. Dziaŭčyna, jakaja mnie niekalki hadoŭ tamu padabałasia, ź jakoj ja vielmi šmat i ciopła razmaŭlaŭ. Zaraz nie maju emocyj. Nie maju słoŭ. Navat hety post pišu ŭvieś dzień. Ale chaču pakinuć fota na pamiać, na jakoje ja hladzieŭ kožny viečar hadzinami, kali my z taboj pierapisvalisia, Liz…
Ty dakładna zasłuhoŭvała pražyć ščaślivaje žyćcio, i baluča, što tvaim žyćciom rasparadziŭsia nie los, a niečyść», — napisaŭ mužčyna.
Dla finansavaj padtrymki siamji Lizaviety adkryli zbor.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
Ona normalnaja, i vsiakim, odnako, nie pristało vytirať o jejo svoi hriaznyje słova.