Pacyjent zajšoŭ biez čarhi ŭ kabiniet doktara «prosta spytać».
U paliklinicy Centralnaha rajona Minska adbyŭsia kanflikt: miedsiastra niekarektna źviarnułasia da pacyjenta, paviedamlaje Mlyn.by.
Miedsiastra nazvała pacyjenta «śvinotaj», kali toj zajšoŭ u kabiniet, kab udakładnić paradak čarhi.
Pavodle słoŭ śviedki situacyi, hety vypadak nie pieršy. Žančyna ŭdakładniła, što supracoŭnica rehularna dazvalaje sabie razmaŭlać na pavyšanych tonach i dapuskaje hrubyja vykazvańni.
Advakat Minskaj haradskoj kalehii Darja Chatkievič raskazała, što padobnyja pavodziny mohuć karacca. Pryčym moža pahražać jak dyscyplinarnaja, hramadzianska-pravavaja, tak i administracyjnaja adkaznaść pavodle zakanadaŭstva Biełarusi.
Hrubaść niedapuščalnaja. Parušeńnie hetych normaŭ moža paciahnuć pryciahnieńnie da dyscyplinarnaj adkaznaści.
Pacyjent, na adras jakoha prahučała abraza, moža źviarnucca ŭ sud z pazovam ab hrašovaj kampiensacyi maralnaj škody, patłumačyła juryst.
Što tyčycca vykazvańnia «śvinota», advakatka patłumačyła nastupnaje. Dla pryznańnia vykazvańnia abrazaj pavodle art. 10.2 KaAP zakanadaŭstva patrabuje vykanańnia dźviuch abaviazkovych umoŭ: namieru prynizić honar i hodnaść kankretnaj asoby i nieprystojnaj formy vykazvańnia.
A «śvinota» chutčej adnosicca da brydkaj inviektyŭnaj leksiki (słoŭ i vyrazaŭ, jakija vykarystoŭvajucca dla vyražeńnia ahresii, abrazy, prynižeńnia surazmoŭcy, vyražeńnia pahardy, varožaści abo hrebavańnia).
Ci jość u hetym skład pravaparušeńnia, niepasredna vyznačaje sud.
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary