Sinoptyk Dźmitryj Rabaŭ raskazaŭ u efiry ANT pra nadvorje ŭ Biełarusi na tydni z 5 pa 11 kastryčnika. Pavodle jaho słoŭ, vosień u hety čas pastupova budzie brać vierch, a pieryjad kamfortnaha nadvorja pačnie źmianiacca bolš niaŭstojlivym.
Čaściej buduć prachodzić atmaśfiernyja franty, jakija pryniasuć daždžy i paryvisty viecier. Adnak mocnaha pachaładańnia pakul nie čakajecca: siaredniaja tempieratura budzie na 1—4 hradusy vyšejšaja za klimatyčnuju normu.
U paniadziełak, 5 kastryčnika, małaaktyŭny atmaśfierny front pryniasie miescami nievialikija karotkačasovyja daždžy i tumany. Nočču budzie ad +4 hradusaŭ na poŭdni da +11 na poŭnačy, dniom — ad +17 u Viciebskaj vobłaści da +21 hradusa na paŭdniovym zachadzie i poŭdni krainy.
U aŭtorak, 6 kastryčnika, čakajecca vobłačna z prajaśnieńniami i pieravažna biez apadkaŭ. Nievialikija daždžy mahčymyja tolki na krajniaj poŭnačy. Nočču budzie ad +5 da +10 hradusaŭ, dniom — ad +15 u Viciebskaj vobłaści da +20 u Bresckaj.
U sieradu, 7 kastryčnika, nadvorje budzie vyznačać paŭnočnaja pieryfieryja antycykłonu z centram nad poŭdniem Jeŭropy. Budzie pieramiennaja vobłačnaść, u bolšaści rajonaŭ biez apadkaŭ. Nievialikija daždžy mahčymyja ŭ Viciebskaj vobłaści, miescami tuman. Nočču tempieratura składzie +5…+10, dniom — ad +15 na paŭnočnym zachadzie da +20 hradusaŭ na poŭdni Homielskaj i Bresckaj abłaściej.
U čaćvier, 8 kastryčnika, zachavajecca vobłačnaje z prajaśnieńniami nadvorje, istotnych apadkaŭ nie čakajecca. Mahčymy tuman. Nočču budzie +6…+12 hradusaŭ, dniom — ad +18 na paŭnočnym zachadzie da +21 na poŭdni.
U piatnicu, 9 kastryčnika, atmaśfierny front pryniasie daždžy ŭ zachodniuju častku krainy. Na astatniaj terytoryi apadkaŭ nie prahnazujecca. Nočču budzie +5…+10 hradusaŭ. Dniom tempieratura budzie vahacca ad +10 na zachadzie Hrodzienskaj vobłaści da +20 hradusaŭ na ŭschodzie.
U subotu, 10 kastryčnika, Biełaruś apyniecca pad upłyvam vilhotnych atmaśfiernych frantoŭ z Zachodniaj Jeŭropy. Budzie vobłačna z prajaśnieńniami, u bolšaści rajonaŭ projduć karotkačasovyja daždžy, mahčymy tuman. Nočču budzie +5…+10 hradusaŭ, dniom — ad +10 na poŭnačy da +15 na poŭdni.
U niadzielu, 11 kastryčnika, istotnych źmienaŭ nie čakajecca. Zachavajecca ŭpłyŭ atmaśfiernych frantoŭ i vilhotnych pavietranych mas, budzie vobłačna z prajaśnieńniami, vysokaja vierahodnaść daždžoŭ i tumanaŭ. Nočču tempieratura składzie +4…+9 hradusaŭ, dniom — ad +8 u Viciebskaj vobłaści da +15 hradusaŭ u Homielskaj.
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki9
Kamientary