VIDEA: tak vyhladaje Uchań na karancinie. Ci zmoža Jeŭropa tak spynić žyćcio svaich haradoŭ?
Kitaj zmoh spynić raspaŭsiud karanavirusa, zrabiŭšy drakonaŭskija zachady. 11-miljonny Uchań, ahmień zarazy, izalavali. Z adnaho jaho rajona ŭ druhi možna prajści tolki pa propusku. Sistemy videanazirańnia adsočvajuć ruch hramadzian, jakich abaviazvaje karancin.
Zvyčajnyja miehapolisy — heta murašnik. Miljony ludziej, mašyn. Uchań apošnija try tydni — heta horad jak ź filma-antyŭtopii.
Ułady spynili na niekalki tydniaŭ pracu šmatlikich pradpryjemstvaŭ, abmiežavali ruch i pracu škoł u mnohich pravincyjach Kitaja.
Strohija miery spracavali. Kolkaść novych zaražeńniaŭ u Kitai padaje.
Tym nie mienš na siońnia na Kitaj prypadaje 97% vypadkaŭ karanavirusa i śmierciaŭ ad jaho.
Ci zmohuć jeŭrapiejskija krainy spynić raspaŭsiud zarazy tak ža chutka, jak toje zrabiŭ tatalitarny Kitaj?
Italija, ahmień zarazy ŭ Jeŭropy, abviaściła pra časovaje zakryćcio škoł i ŭniviersitetaŭ u rehijonach, achoplenych epidemijaj.
Kamientary