Mahčyma, projdzie paźniej.
«Z-za biaśpieki ludziej pryniata rašeńnie pieraniesci śviatkavańnie Dnia Voli na paźniejšy čas. Doŭha dyskutavali, ale, narešcie, pryniali pravilnaje i adkaznaje rašeńnie. Zaraz hałoŭnaja zadača — prymusić ułady prysłuchacca da rekamiendacyj SAAZ i pryniać u krainie elemientarnyja miery dziela abarony biełarusaŭ ad karanavirusa», — napisaŭ u svaim fejsbuku adzin z zajaŭnikaŭ akcyi Vital Rymašeŭski.
Takim čynam arhkamitet pa śviatkavańni BNR-102 adklikaŭ zajaŭku na praviadzieńnie mitynha-kancerta ŭ stalicy.
«Arhanizatary ličać, što padrychtoŭka mierapryjemstva va ŭmovach, kali kožny dzień u Biełarusi pavialičvajecca kolkaść chvorych na karanavirus, a aficyjnaja infarmacyja ab raspaŭsiudzie virusa nie vyklikaje davieru, vyhladaje niedarečnaj. Zychodziačy ź situacyi, arhkamitet pa śviatkavańni BNR-102 budzie vyvučać mahčymaść praviadzieńnia mierapryjemstva ŭ bolš poźni pieryjad. Ab hetym budzie paviedamlena dadatkova», — havorycca ŭ paviedamleńni.
U arhkamitet pa śviatkavańni Dnia Voli-2020 uvachodziać Biełaruskaja sacyjał-demakratyčnaja partyja (Hramada), Ruch «Za Svabodu», Biełaruskaja partyja «Zialonyja», BCHD i AHP.
Praviadzieńnie śviatkavańnia płanavałasia na 22 sakavika (niadziela), bo 25 sakavika vypadaje na sieradu. Adnym ź miescaŭ praviadzieńnia mahła stać placoŭka na vulicy Kastryčnickaj.
Kamientary