«Lidskaje piva» całkam abnaŭlaje tytulny piŭny brend: novy łahatyp, kaštoŭnaści i praduktovyja liniejki
«Lidskaje piva» abviaściła pra zapusk maštabnaha repazicyjanavańnia tytulnaha piŭnoha brenda.
U asnovu abnoŭlenaj kamunikacyi «Lidskaje» lahli kaštoŭnaści, jakija adlustroŭvajuć asablivaści brenda, — ščyraść, karani, adzinstva. Pryncyp «Karani» padkreślivaje pachodžańnie praduktu, jaho ciesnuju suviaź ź Lidaj — nievialikim horadam Zachodniaj Biełarusi z bahataj kulturnaj spadčynaj, unikalnaściu i svojeasablivaj kraftavaściu. Lidskaje pachodžańnie — heta krynica natchnieńnia dla brenda.
Kaštoŭnaść «Adzinstva» kaža pra toje, što «Lidskaje» abjadnoŭvaje blizkich pa duchu ludziej va ŭnikalnuju supolnaść, a «Ščyraść» adlustroŭvaje formu ŭzajemaadnosin kampanii sa svaim spažyŭcom. Hetyja ŭzajemaadnosiny zasnavanyja na daviery, siabroŭstvie, ahulnych cikavaściach i momantach jadnańnia. Mienavita tamu słohan novaj kampanii — «Usio dziela svaich».
Hetyja kaštoŭnaści lohka sčytvajucca ŭ abnoŭlenym dyzajnie brenda «Lidskaje». Na etykietkach źjaviłasia vyjava Lidskaha zamka i klučoŭ ad jaho. Źmianiŭsia i hałoŭny simvał kampanii: vysakarodny aleń, jaki ŭ hetym hodzie adznačaje svoj 120-hadovy jubilej, staŭ abjomniejšym i bolš vieličnym, ale pa-raniejšamu simvalizuje honar, sapraŭdnaść i status brenda «Lidskaje piva».
Anhłamoŭny nadpis «Legend of belarusian brewing», jaki źjaviŭsia na etykietcy, kaža pra bolš čym 140-hadovuju piŭnuju spadčynu.
Akramia idejnych i vonkavych źmien rebrendynh prynios i novyja padychody ŭ kłasifikacyi praduktaŭ. Kirujučysia suśvietnymi trendami na pavieličeńnie premijalnaha siehmienta, kampanija vyrašyła padzialić hatunki brenda «Lidskaje» na dźvie samastojnyja liniejki: «Mejnstrym» i «Premium».
U pieršuju ŭvajšli pradukty «Pilsner», «Lehienda», «Stary Zamak», «Nulovačka» i «Radler». U druhuju — «Premium», «Biełaje», «Aksamitnaje» i «Portar». Mejnstrym-liniejka papoŭniłasia novym hatunkam «Lehienda», jaki padkreślivaje bahatuju historyju brenda «Lidskaje», a Premium — hatunkam «Biełaje».
Premijalnuju liniejku adroźnivaje asablivy dyzajn, unikalnaja forma butelki i novyja farmaty: pradukt budzie dastupny ŭ šklanych butelkach abjomam 0,4 ł, blašankach abjomam 0,45 ł i ŭ PET-butelkach abjomam 0,9 ł.
«Hety hod dla «Lidskaha piva» — heta hod źmienaŭ, jakija dazvalajuć zirnuć na kampaniju z bolš čym 140-hadovaj historyjaj pa-novamu. Źmieny, pa našych padlikach, dazvolać brendu «Lidskaje» stać samym chutkarosłym piŭnym brendam Biełarusi, upeŭniena ŭtrymlivajučy vysokuju dolu rynku», — padkreśliŭ hienieralny dyrektar kampanii Aŭdryus Mikšys.
Siońnia ŭ kramach možna znajści «Lidskaje» jak u novym, tak i ŭ starym dyzajnie. Poŭny pierachod da adzinaha vizualnaha vobrazu ŭ kampanii płanujuć zaviaršyć na praciahu niekalkich miesiacaŭ.
Ab kampanii «Lidskaje piva»
AAT «Lidskaje piva» — najbujniejšy vytvorca piva i napojaŭ u Biełarusi. Siońnia kampanija ŭvachodzić u skład finskaha kancerna Olvi i akramia piva vyrablaje kvas, sidr, vadu, enierhietyčnyja i napoi z utrymańniem soku, a taksama pradukty kampanii PepsiCo. U 2014 hodzie pradpryjemstva stała trecim zavodam u śviecie, jaki atrymaŭ licenziju na vytvorčaść piva premium-siehmienta Warsteiner Premium Verum.
Pamiatajcie, što praźmiernaje ŭžyvańnie piva škodzić zdaroŭju.
-
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra
-
Dzianis ź Niaśviža dziesiać hadoŭ adpracavaŭ na likiora-harełačnym zavodzie. A znajšoŭ siabie i najlepš staŭ zarablać jak błohier Ałkabard
-
U Prypiaci pavialičvajecca kolkaść ryby, raniej zaniesienaj u Čyrvonuju knihu
Kamientary