Pałova pacyjentaŭ z karanavirusam u reanimacyjach Francyi maładziejšyja za 60 hadoŭ
Niekatoryja maładyja ludzi nie ŭsprymajuć naviny pra karanavirus usurjoz, bo miarkujuć, što jon niebiaśpiečny tolki dla ludziej starejšaha ŭzrostu i z patałohijami.
U pryncypie, tak. Bolšaść pamierłych ad virusa — heta ludzi, starejšyja za 60 i asabliva 70-80 hadoŭ.
Adnak nie tolki. Jak paviedamiŭ kiraŭnik miedyčnaj słužby Francyi Žerom Sałamon, pałovu pacyjentaŭ, jakija trapili ŭ Francyi ŭ reanimacyju, składajuć asoby, maładziejšyja za 60 hadoŭ.
Pakul bolšuju častku ŭdajecca ratavać. Ale kali ŭjavić sabie situacyju pierapaŭnieńnia reanimacyj, to śmiarotnaść rezka vyraście i ŭ hetaj katehoryi. Heta ŭžo nazirajecca ŭ najbolš uražanych pandemijaj rajonach Italii, heta mieła miesca ŭ kitajskim Uchani — pieršym epicentry ŭspyški.
Čytajcie taksama: Jak prajaŭlajecca lohkaja forma karanavirusa
U Francyi pa stanie na 18 sakavika ŭ reanimacyjach było 924 pacyjenty z karanavirusam. Usiaho ŭ hetaj krainie vyjavili bolš za 9000 zaražeńniaŭ, 264 čałavieki pamierli.
Pakul kolkaść zaražeńniaŭ i śmierciaŭ u śviecie štodzionna narastaje, pandemija dalokaja ad svajho piku, i pradkazać jaje dalejšaje raźvićcio składana.
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary