BPC zaklikaje asłablenych i chvorych ludziej hladzieć tranślacyju nabaženstvaŭ doma
Biełaruskaja pravasłaŭnaja carkva zaklikaje asłablenych i chvorych ludziej hladzieć tranślacyju nabaženstvaŭ doma. Pra heta karespandentu BiełTA zajaviŭ staršynia Sinadalnaha infarmacyjnaha adździeła BPC protaijerej Sierhij Lepin.
«Kali čałavieku ŭ Vierbnicu treba tolki aśviacić halinki i jon nie źbirajecca ŭziać udzieł u nabaženstvie, tady lepš zastacca doma. Taksama my zaklikajem admovicca ad naviedvańnia chramaŭ vypadkovych turystaŭ u bohasłužebny čas i ludziej, jakija tudy źviartajucca pa tradycyi i intaresie. I my, viadoma, zaklikajem zastacca doma tych viernikaŭ i aktyŭnych viernikaŭ, jakija źjaŭlajucca chvorymi i asłablenymi. My prapanujem im pahladzieć teletranślacyi nabaženstvaŭ. Takaja damoŭlenaść jość ź Biełteleradyjokampanijaj. Pačynajučy ź niadzieli prychadžanie zmohuć ubačyć žyvyja tranślacyi nabaženstvaŭ na Vierbnicu, Vialiki čaćvier, Vialikuju piatnicu i Vialikdzień», — raspavioŭ Sierhij Lepin.
Pavodle jaho słoŭ, u biełaruskich chramach prymajucca ŭsie nieabchodnyja sanitarna-hihijeničnyja miery: pravodzicca dezynfiekcyja i pravietryvańnie pamiaškańniaŭ. «My robim usio mahčymaje, kab terytoryja chrama była biaśpiečnaj dla viernikaŭ», — dadaŭ Sierhij Lepin.
Kamientary