Kačanava: My zrabili absalutna pravilna; žorstkija karancinnyja miery mohuć vyklikać druhuju chvalu karanavirusa
Biełaruś nie pajšła suprać usich u baraćbie z karanavirusam, rašeńni byli dakładna vyvieranyja. Pra heta staršynia Savieta Respubliki Natalla Kačanava zajaviła ŭ efiry BT-1.
«Kali kamuści zdajecca, što my čamuści vyrašyli pajści suprać usich, to heta niapravilna. Hetyja rašeńni absalutna dakładna vyvieranyja. Kali prezidentu dałažyli pra situacyju, jakaja składvajecca, jak jana moža raźvivacca (heta ž praličvajecca, u nas ža jość lekary, navukoŭcy, infiekcyjanisty), to jon adnaznačna ŭbačyŭ, absalutna pravilna: žyćcio nie pavinna spyniacca», — skazała Natalla Kačanava.
Pavodle jaje słoŭ, dziaržava zakłapočana pytańniami: što budzie paśla pandemii, jak buduć pracavać śfiery ekanomiki, na što buduć žyć ludzi? «My ŭbačyli, što heta rašeńnie vielmi niaprostaje, ale žyćcio pakazała, što jano dakładna i absalutna vyvieranaje, padličanaje», — zajaviła Kačanava.
Žorstkija karancinnyja miery mohuć vyklikać druhuju chvalu karanavirusa, ličyć Kačanava.
— Tut hałoŭnaje — najaŭnaść miedycynskaha abstalavańnia, lekavych preparataŭ, lekaraŭ i miescaŭ u balnicach. A heta ŭsio ŭ nas jość i znachodzicca na vielmi žorstkim kantroli ministerstva achovy zdaroŭja», — padkreśliła jana.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja71
Kamientary