Deputat Kliševič: Padpisnyja čerhi i łancuhi salidarnaści byli arhanizavanyja aktyvistami «Zubra»

Takoje mierkavańnie BIEŁTA vykazaŭ deputat Pałaty pradstaŭnikoŭ, pieršy sakratar Minskaha haradskoha kamiteta BRSM Siarhiej Kliševič.

Pavialičyć

«My bačym, što ŭ pieryjad zboru podpisaŭ naziraŭsia vidavočny padzieł aktyvistaŭ apazicyi na lehalnaje kryło, pradstaŭlenaje štabami kandydataŭ, i na radykalnaje vuličnaje kryło, zadziejničanaje niepasredna dla arhanizacyi pratestnaj ahitacyi biez pryviazki da kankretnaha pretendenta ŭ kandydaty.

Mienavita radykalnym kryłom byli arhanizavany padpisnyja čerhi, łancuhi salidarnaści i karusieli. Heta hrupa pieršapačatkova była aryjentavana na procipraŭnyja dziejańni i farmiravałasia ŭ tym liku z aktyvistaŭ byłych radykalnych struktur typu «Zubra», — skazaŭ Siarhiej Kliševič.

— Mahčyma, mienavita z boku radykalnaha kryła raniej pastupali pahrozy ŭ adras supracoŭnikaŭ MUS, a ŭ sacyjalnych sietkach i mesendžarach raspaŭsiudžvalisia zakliki da hvałtoŭnych dziejańniaŭ. Bolš taho, praz čaty i inšyja sajty mieli miesca sproby stvarać bazy z asabistymi danymi supracoŭnikaŭ milicyi ŭ rehijonach i Minsku dla zapałochvańnia ich i ich siemjaŭ».

Parłamientaryj nahadaŭ, što z anałahičnymi pahrozami, až da pahroz zabojstva, sutyknulisia i staličnyja aktyvisty Sajuza moładzi, jakija prymali ŭdzieł u minskich pikietach u padtrymku dziejučaha prezidenta.

«Heta vidavočnaja technałohija kropkavaha, adrasnaha ckavańnia, nakiravanaha suprać prychilnikaŭ ułady, z metaj prymusić ich maŭčać i tym samym sfarmiravać bačnaść adzinstva pratesnaj hramadskaj dumki i padtrymki masavych biesparadkaŭ», — adznačyŭ jon.

Na pohlad Siarhieja Kliševiča, na niesankcyjanavanych mierapryjemstvach ciapier pradstaŭlena toje ž jadro vuličnych akcyj, jakoje prajaŭlała siabie na momant tak zvanych antyintehracyjnych pratestaŭ. «Anałahičnyja žyvyja łancuhi salidarnaści ŭžo byli ŭ Minsku ŭ čas antyrasijskich mierapryjemstvaŭ paŭhadavoj daŭnaści.

Heta technałohija paśladoŭna prymianiajecca dla maštabiravańnia pratestu. Źviarnicie ŭvahu, što apazicyjnyja ŚMI ciapier vymiarajuć pratest kiłamietrami, a nie kolkaściu aktyvistaŭ. Umoŭna, 200-300 čałaviek možna raźmiaścić ź intervałam 2-3 m i dać hučnuju spravazdaču ab kiłamietrovych čerhach u stalicy. Pry hetym u anłajn-repartažach ŚMI, naprykład, «Radyjo Svaboda» ad 19 červienia, my nazirali niepasrednuju karusiel, u čas jakoj aktyvisty pierabiahali ŭ kaniec łancuha pa miery pieramiaščeńnia apieratara zdymki, što śviedčyć ab pastanovačnym charaktary i davoli tapornym vykanańni, — padkreśliŭ jon.

— Pry hetym RFE/RL i inšyja amierykanskija ŚMI, jakija dziejničajuć u Biełarusi, pad kapirku vydajuć nahniatalnyja materyjały ab biesprecedentnym uzroŭni milicejskaha hvałtu, u toj čas jak u samich ZŠA masavymi biesparadkami, padpałami i sutyknieńniami z nacyjanalnaj hvardyjaj achopleny dziasiatki bujnych haradoŭ i štataŭ, što jakraz i spravakavana realnym biesprecedentnym hvałtam z boku amierykanskich siłavych struktur. Biezumoŭna, heta vidavočnaja i hrubaja palityka dvajnych standartaŭ».

Pavialičyć

Parłamientaryj ličyć, što supracoŭniki biełaruskaha MUS dziejničajuć dakładna, zładžana, vyklučna ŭ ramkach zakonnaści i adkazna vykonvajuć daručeńnie prezidenta pa zabieśpiačeńni asabistaj biaśpieki hramadzian.

Upeŭnieny, što i ŭ časie dalejšych etapaŭ vybarčaj kampanii na biełaruskich vulicach zachavajecca paradak i biaśpieka. Źviartaju ŭvahu, što hetyja prajavy Prezident raniej nazyvaŭ infarmacyjnym psichozam, adnak asnoŭny viektar byŭ nakiravany pieravažna suprać miedykaŭ i struktur Ministerstva achovy zdaroŭja. Ciapier my bačym, što zamiežnaja infarmacyjnaja kampanija pierastaŭlena na inšyja rejki i pačała ahresiŭna pracavać suprać MUS jak najbolš masavaj siłavoj struktury, jakaja zabiaśpiečvaje pravaparadak.

Pavialičyć

Tamu chočacca vykazać ščyruju ŭdziačnaść za ich rabotu va ŭmovach žorstkaha infarmacyjnaha nacisku. Heta infarmacyjnaja pandemija, paŭtarusia, maje źniešnija pryčyny i nakiravana suprać usich asnoŭnych biudžetnych śfier, na jakija abapirajecca biełaruskaja dziaržava», — reziumavaŭ jon.

• 0
• 0
• 0
• 0
• 0
• 0
• 0
• 0