Čeračań pra abjadnańnie z Capkałam i Babarykam: Heta pierśpiektyŭny kirunak
Kandydat u prezidenty, kiraŭnik partyi «Hramada» Siarhiej Čeračań znoŭ ahučyŭ, što sabraŭ 106 tysiač podpisaŭ, a taksama vykazaŭsia pra abjadnańnie ź inšymi kandydatami.
«My nie pavinny apuskać ruki, my pavinny pierastroicca i znajści ŭ sabie siły zmahacca z toj sistemaj, jakaja vybudoŭvałasia na praciahu 26 hadoŭ», — adznačyŭ Čeračań.
Ci płanuje kandydat abjadnańnie ź inšymi ŭdzielnikami kampanii? «U najbližejšyja dni buduć rašeńni našych štaboŭ i kamand. My zaŭsiody ŭ pošuku. Kali 9 žniŭnia nie adbuducca źmieny prezidenta, to dla našaha kalektyva i inšych kalektyvaŭ pačniecca vielmi składanaja situacyja. My hatovyja na abjadnańnie ź lubym demakratyčnym kandydatam».
A ci ŭvachodzić u śpis demakratyčnych Hanna Kanapackaja? «Ź joj pieramovaŭ my nie viali», — karotka adkazaŭ Čeračań.
Ci mahčymaje abjadnańnie z kamandami Babaryki i Capkały? «Heta pierśpiektyŭny kirunak», — ličyć kandydat.
Siarhiej Čeračań znoŭ paćvierdziŭ, što jahonaja kamanda zdała ŭ CVK 106 tysiač podpisaŭ, a nie 145 tysiač, jak było adznačana ŭ aficyjnych dakumientach. «Usia infarmacyja jość u nas u sacyjalnych sietkach, na sajcie, my jaje nidzie nie mianiali. Bo jana maje miesca być», — skazaŭ Čeračań.
Apytanka
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary