Чэрачань пра аб’яднанне з Цапкалам і Бабарыкам: Гэта перспектыўны кірунак
Кандыдат у прэзідэнты, кіраўнік партыі «Грамада» Сяргей Чэрачань зноў агучыў, што сабраў 106 тысяч подпісаў, а таксама выказаўся пра аб’яднанне з іншымі кандыдатамі.
«Мы не павінны апускаць рукі, мы павінны перастроіцца і знайсці ў сабе сілы змагацца з той сістэмай, якая выбудоўвалася на працягу 26 гадоў», — адзначыў Чэрачань.
Ці плануе кандыдат аб’яднанне з іншымі ўдзельнікамі кампаніі? «У найбліжэйшыя дні будуць рашэнні нашых штабоў і каманд. Мы заўсёды ў пошуку. Калі 9 жніўня не адбудуцца змены прэзідэнта, то для нашага калектыва і іншых калектываў пачнецца вельмі складаная сітуацыя. Мы гатовыя на аб’яднанне з любым дэмакратычным кандыдатам».
А ці ўваходзіць у спіс дэмакратычных Ганна Канапацкая? «З ёй перамоваў мы не вялі», — каротка адказаў Чэрачань.
Ці магчымае аб’яднанне з камандамі Бабарыкі і Цапкалы? «Гэта перспектыўны кірунак», — лічыць кандыдат.
Сяргей Чэрачань зноў пацвердзіў, што ягоная каманда здала ў ЦВК 106 тысяч подпісаў, а не 145 тысяч, як было адзначана ў афіцыйных дакументах. «Уся інфармацыя ёсць у нас у сацыяльных сетках, на сайце, мы яе нідзе не мянялі. Бо яна мае месца быць», — сказаў Чэрачань.
Апытанка
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма5
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары