Adnaho sa stvaralnikaŭ płatformy dla alternatyŭnaha padliku hałasoŭ «Hołas» trymajuć u SIZA KDB
Illa Šapatkoŭski, fota Tut.by
4 žniŭnia ŭ Minsku zatrymali Illu Šapatkoŭskaha, adnaho sa stvaralnikaŭ platformy «Hołas». Ciapier jon u śledčym izalatary KDB. Pra heta Radyjo Svaboda paviedamiła maci Illi Alena.
Jana raskazała, što supracoŭniki DAI spynili aŭtamabil, u jakim Illa jechaŭ u Miensk. Jaho zatrymali i advieźli dadomu ŭ Ratamku, dzie vosiem čałaviek praviali vobšuk.
«Zrazumieła, što za im sačyli, bo ad ranicy ŭ nas tut kruhom stajała DAI, siadzieli niejkija ludzi».
Paśla vobšuku, jaki pravodzili vaśmiora supracoŭnikaŭ, Illu Šapatkoŭskaha źvieźli. Pakul abvinavačańnie jamu nie pradjaŭlena. Učora Illu doŭha dapytvali, ale advakatka nie raskazała nijakich padrabiaznaściaŭ, bo «pakul nia moža havaryć».
«My ludzi adkrytyja, usio navidavoku, ničoha nie chavajem. Ale ŭ nas čałavieka možna abvinavačvać u čym zaŭhodna. Usio budzie zaležać ad sytuacyi, jak budzie vyhadna ŭładam. Pakul nibyta niejkija finansavyja parušeńni, jon u firmie pracavaŭ. A zaŭtra, moža, jašče ŭ niečym abvinavaciać, — kaža maci. — Ciapier voś zajavili, što treba ź platformaj «Hołas» raźbiracca, što heta niezakonna. I, mahčyma, užo zaŭtra budzie inakš. Zakon što dyšal, kudy paviernie, tudy i vyjšła».
Spadarynia Alena skazała, što z bolem u sercy, z horyčču stavicca da zatrymańnia syna.
«Moj syn sumlenny, razumny chłopiec, i mnie za jaho nia soramna. Prosta takaja sytuacyja, u takoj krainie žyviom», — skazała jana.
Žonku Maju razam z tryma dziećmi Illa raniej vyviez za miežy Biełarusi ŭ biaśpiečnaje miesca. Pavodle Mai, na siamju cisnuli, tamu i vyvieźli dziaciej. Jana kaža, što ŭ biznesie Illi «usio było čysta, biez sumnievaŭ».
«Illa nie rabiŭ ničoha supraćzakonnaha, jon sumlenna, addana dniom i nočču pracavaŭ nad tym, kab sioleta sytuacyja ŭ krainie pamianiałasia. Vakoł «zakryvali» mnoha takich ža sumlennych, ščyrych i śmiełych ludziej, tamu my viedali, što tearetyčna tak moža adbycca. U hłybini dušy ja, kaniečnie, spadziavałasia na pazytyŭny scenar. My nie zdajomsia! Nas nie razdušyć! Nas vielmi mnoha, i razam my pieramožam!» — skazała Svabodzie Maja.
Raniej Tut.by paviedamiŭ, što Illu zatrymali ŭ ramkach spravy «Biełhazprambanku».
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary