U Homieli niezaležnaha naziralnika vyhnali za toje, što «raspaŭsiudžvaŭ iłžyvuju infarmacyju ŭ internecie»
U Homieli jašče adnaho niezaležnaha naziralnika pazbavili akredytacyi. Artur Siniła zafiksavaŭ na ŭčastku značnaje zavyšeńnie jaŭki vybarščykaŭ u pratakołach. Na nastupny dzień jamu paviedamili pra pazbaŭleńnie akredytacyi za «raspaŭsiud iłžyvaj infarmacyi ŭ internecie», pišuć «Mocnyja naviny».
Jak raspaviadaje Artur, ranicaj jon pryjšoŭ na ŭčastak, jaho nie puścili i ŭručyli rašeńnie kamisii №4. U im havorycca, što naziralniki ad BRSM i prafsajuza rabotnikaŭ adukacyi paviedamili ab viadzieńni zdymki i apytańniach vybarščykaŭ niezaležnym naziralnikam. Akramia taho, u dakumiencie skazana, što Siniła A. V. raspaŭsiudžvaŭ iłžyvuju infarmacyju ŭ sietcy internet. Na hetych padstavach naziralnika pazbavili akredytacyi.
Naziralnik chacieŭ prajści na ŭčastak u jakaści vybarščyka, bo adnosicca da jaho, ale zrabić hetaha jamu taksama nie ŭdałosia.
Kamientary