Jaho aryštavali i asudzili na 10 sutak za ŭdzieł u akcyi pratestu 9 žniŭnia.
Jurasiu Ziankoviču 42 hady, u jaho dva hramadzianstvy — biełaruskaje i amierykanskaje.
Na radzimie jon byŭ viadomym aktyvistam Partyi BNF i Zaadzinočańnia biełaruskich studentaŭ, abiraŭsia deputatam Ždanovickaha sielskaha savieta.
U siaredzinie 2000-ch Ziankovič źjechaŭ u ZŠA, dzie pačaŭ budavać jurydyčnuju karjeru. Jahonaja kampanija dapamahaje biełaruskim mihrantam lehalizavacca ŭ ZŠA.
Sam Ziankovič starajecca ŭdzielničać u palityčnym žyćci Biełarusi. Jon sprabavaŭ vyłučacca ad Partyi BNF kandydatam u prezidenty na vybarach 2020 hoda, ale zamiest jaho abrali Alaksieja Janukieviča.
Nie tak daŭno Ziankovič nabyŭ nieruchomaść u Miadzielskim rajonie. Hetaje leta jon razam z žonkaj Alenaj Dzienisaviec baviŭ u Biełarusi. Jana viarnułasia ŭ ZŠA ŭ kancy žniŭnia, Juraś ža płanavaŭ lacieć za akijan 6 vieraśnia, ale nie atrymałasia.
Sprava ŭ tym, što Juraś Ziankovič prymaŭ udzieł u akcyi pratestu, jakaja prachodziła ŭ Miadzieli ŭ dzień vybaraŭ 9 žniŭnia. Pra heta «NN» raskazaŭ siabra Sojma BNF Juraś Mielaškievič.
«Mahčyma, jaho b i nie zatrymali, kab nie adzin momant. Tam vyjšaŭ adzin pałkoŭnik milicyi, jakija pavodziŭ siabie tak, kab kahości spravakavać. Juraś pavioŭsia na takija pavodziny, ustupiŭ ź im u sprečku. U vyniku Ziankoviča zatrymali 31 žniŭnia, praŭda, praz dvoje sutak adpuścili, bo spravu adpravili na dapracoŭku. Ale praź dzień pryšli znoŭ i zatrymali. Juraś asudžany na 10 sutak», — kaža Mielaškievič.
U izalatary advakat trymaje haładoŭku. Pra spravu infarmavanaje pasolstva ZŠA. «Nakolki ja viedaju, jon asudžany tolki pa adnym pratakole, a ŭsiaho ich jašče minimum dva», — kaža Mielaškievič.
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava8
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary