U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
U Čarnaŭcach padčas anatamiravańnia cieła zahinułaha ŭkrainskaha vajskoŭca, jakoje pieradali z Rasii ŭ ramkach abmienu, sudmiedekśpierty vyjavili hranatu, jakaja nie razarvałasia. Rabotnikaŭ morha evakuiravali, a vybuchoŭku abiasškodzili piratechniki.
Raniej užo byli vypadki, kali znachodzili vybuchoŭku, ale heta pieršy vypadak, kali jaje znajšli ŭ samim ciele. Pra heta «Suśpilnamu» raspavioŭ načalnik abłasnoha biuro sudova-miedycynskaj ekśpiertyzy Viktar Bačynski.
Pavodle jaho słoŭ, raniej pry ahladzie cieł, pieradadzienych u ramkach abmienu, vybuchovyja pradmiety časam znachodzili ŭ kišeniach. Adnak hetym razam hranatu znajšli niepasredna ŭ ciele.
Jana prajšła praz brušnuju połaść, prajšła praź cieła, ale nie vybuchnuła — zastałasia pad pravym ściahnom, raspavioŭ ekśpiert
«Kali ekśpiert pačaŭ aŭtapsiju cieła zahinułaha, pravioŭ aŭtapsiju čarapnoj połaści, hrudnoj połaści, dajšoŭ da kaniečnaści i pačaŭ jaje razrazać, jon znajšoŭ pad skuraj nierazarvanuju hranatu», — kaža Bačynski.
Paśla hetaha ŭsich supracoŭnikaŭ evakujavali z morha, a dla vymańnia hranaty vyklikali piratechnikaŭ.
«Jaje vyvieźli na śmietnik, tam padarvali, bo jana mahła vybuchnuć u morhu. Tamu praz takija vypadki ŭ nas spačatku pracujuć piratechniki Dziaržaŭnaj słužby pa nadzvyčajnych situacyjach, a tolki potym my. Heta vielmi surjozny padychod, ale tak atrymałasia, što jany nie adrazu vyznačyli, što ŭ ciele pamierłaha znachodzicca takaja vybuchovaja pryłada», — kaža Bačynski.
Va Ukrainu 26 lutaha viarnuli 1000 cieł zahinułych, jakija, pavodle rasijskaha boku, naležać ukrainskim vajskoŭcam.
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary