Ministr adukacyi zajaviŭ pra žadańnie pašyrać i papularyzavać ruskuju movu
Biełaruś hatova stać placoŭkaj dla značnych mižnarodnych mierapryjemstvaŭ pa papularyzacyi ruskaj movy. Pra heta zajaviŭ ministr adukacyi Andrej Ivaniec u Maskvie na kanfierencyi Mižnarodnaj arhanizacyi pa ruskaj movie.
«Biełaruś u asobie Ministerstva adukacyi i inšych ministerstvaŭ całkam hatovaja nie tolki padtrymlivać i ŭdzielničać va ŭsich inicyjatyvach, jakija buduć vyłučacca na placoŭcy Mižnarodnaj arhanizacyi pa ruskaj movie, ale i ŭnosić svaje inicyjatyvy. Nam jość čym padzialicca, jość što prapanavać, tamu vielmi chaciełasia b, kab i Biełaruś stała placoŭkaj dla praviadzieńnia značnych, važnych mierapryjemstvaŭ, jakija buduć nakiravany na papularyzacyju i pašyreńnie vykarystańnia ruskaj movy», — skazaŭ Andrej Ivaniec.
«Jak nieadnarazova padkreślivaŭ naš prezident Alaksandr Łukašenka, ruskaja mova dla Respubliki Biełaruś źjaŭlajecca takoj ža rodnaj, jak i biełaruskaja mova. Mienavita tamu ŭ pačatku, na śvitanku svajoj niezaležnaści, biełaruski narod zrabiŭ svoj vybar, i ruskaja mova źjaŭlajecca adnoj ź dziaržaŭnych moŭ u našaj krainie», — źviarnuŭ uvahu ministr.
Jon zapeŭniŭ, što Biełaruś budzie samym aktyŭnym udzielnikam arhanizacyi. «Nie vyklikaje nijakich sumnieńniaŭ, što ruskaja mova źjaŭlajecca nie tolki asnovaj našaha znosin, ale i ŭ mnohim našym kulturnym kodam, častkaj našaj ahulnaj historyi kulturnaj prastory», — dadaŭ Andrej Ivaniec.
-
Biełaruski dalnabojščyk atrymaŭ vizu dla pracy ŭ polskaj firmie, a jana zbankrutavała. Jaho asudzili za niezakonny ŭjezd u Polšču
-
U Minsku dahetul pracuje siamiejnaje atelje «Lavonicha», stvoranaje jašče ŭ 1962 hodzie
-
Stała viadoma, pa jakich praviłach buduć masava pracaŭładkoŭvać uźbiekaŭ u Biełarusi
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam17
Kamientary