Baskietbalistku Alenu Leŭčanka asudzili na 15 sutak
Zatrymali baskietbalistku Alenu Leŭčanka. Jaje advieźli ŭ Leninski RUUS. Jaje telefon u ciapierašni čas vyklučany.
Znajomyja paviedamlajuć, što siońnia ranicaj Alena Leŭčanka patelefanavała advakatu Michaiłu Kiryluku i paviedamiła, što jaje zatrymali ŭ aeraporcie pierad vyletam na płanavaje lačeńnie i reabilitacyju (jość aficyjnyja dakumienty) i viazuć u Leninski RUUS u suviazi z udziełam u niezakonnych masavych mierapryjemstvach.
Spačatku RUUS fakt znachodžańnia Leŭčanka advakatu nie paćvierdziła. Paźniej advakat skazaŭ, što jana ciapier na Akreścina.
Raniej Alena aktyŭna vykazvałasia suprać hvałtu ŭ krainie i za praviadzieńnia paŭtornych vybaraŭ, jana taksama ŭvachodziła ŭ svabodnaje abjadnańnie spartsmienaŭ Biełarusi, padpisała adkryty list da ŭłady i siłavikam i pastajanna chadziła na niadzielnyja maršy.
12:10
Alenu Leŭčanka buduć sudzić pa dvuch artykułach: 23.34 «Parušeńnie paradku praviadzieńnia massavych mierapryjemstvaŭ» i 23.4 «Niepadparadkavańnie supracoŭnikam milicyi).
Pad turmoj na Akreścina sabralisia ludzi, jany čakajuć suda nad Alenaj Leŭčankaj. Pryjšli niekalki žurnalistaŭ, eks-tenisistka Volha Barabanščykava, futbalist (mini-futboł) Siarhiej Padalinski.
Sud adbyvajecca dystancyjna — pa videasuviazi. Paśla pačatku pracesu Leŭčanka paprasiła pryciahnuć adkavata, paśla čaho byŭ abjaŭleny pierapynak dla taho, kab spartsmienka mahła parazmaŭlać z abaroncam.
Pasiadžeńnie adkrytaje. Na jaho pryjšło kala 30 čałaviek.
12:55
Alenu Leŭčanku sudziać za ŭdzieł u «niesankcyjanavanaj akcyi» 27 vieraśnia. Pavodle pratakoła, kala 16:10 na praśpiekcie Mašerava ŭ Minsku Leŭčanka niesła ŭ rukach plakat «Narod — čempijon».
Alena Leŭčanka viny nie pryznaje: «Ja ceły dzień hulała. Ja nie pamiataju, dzie ja była kankretna ŭ kankretny čas»
13:08
Rapart na Alenu Leŭčanka napisaŭ lejtenant Skarachodaŭ ź Leninskaha RAUS. Jon nie zmoh prysutničać na pracesie, prośba advakata vyklikać i dapytać Skarachodava była adchilena.
Abvinavačvańnie budujecca na fota Leŭčanka ŭ haziecie «Presboł» i ŭ instahramie.
Rašeńnie suda budzie abjaŭlena ŭ 14:15.
14:30
U vyniku prysud — 15 sutak
Sud pieranosili spačatku na 12.00, paśla na 12.15, advakata spačatku nie dapuskali da zatrymanaj
Jak u Biełarusi prymušajuć maŭčać spartoŭcaŭ. Vialikaje intervju Aleny Leŭčanka. VIDEA
Apytanka
Ciapier čytajuć
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava2
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary