Prysudzili 2 hady viełasipiedystu, jaki vyryvaŭsia z ruk milicyjanieraŭ
Sud Centralnaha rajona Minska prysudziŭ dva hady źniavoleńnia viełasipiedystu K. (jaho proźvišča jość u Redakcyi, sprabujem źviazacca ź siamjoj).
7 žniŭnia, za dva dni da vybaraŭ, chłopiec udzielničaŭ u viełaprabiehu pa vulicach Minska — takija źjavy byli papularnyja ŭ toj čas.
Dva milicyjaniery, Š. I M., vyrašyli jaho zatrymać. Farmalna — za adsutnaść lusterka zadniaha vidu i hukavoha sihnała. Heta absurdnaje patrabavańnie było prapisana ŭ savieckich praviłach darožnaha ruchu, zastałosia i ŭ ciapierašnim zakanadaŭstvie.
Jany schapili viełasipiedysta, toj staŭ vyryvacca. Padčas hetaj šturchaniny chłopiec adnojčy trapiŭ pa hałavie Š, adnojčy pa hałavie M., a taksama chapaŭ rukami za šyju M. I ściskaŭ rukami. Nijakich traŭmaŭ u milicyjanieraŭ niama, tolki atrymany fizičny bol. Nu i parvanyja ŭ M. kašula sa štanami.
Voś videa zatrymańnia ravarysta:
U vyniku K. prysudzili dva hady ŭ kałonii ahulnaha režymu. Rašeńnie moža być abskardžana.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES27
Kamientary