U Babrujsku sudmiedekśpiertam daviałosia rasśledavać niezvyčajny vypadak śmierci: 59‑hadovy mužčyna zahinuŭ paśla taho, jak upaŭ tvaram u łužynu i zachłynuŭsia vadoj, piša pres-słužba Dziaržaŭnaha kamiteta sudovych ekśpiertyz.
Incydent adbyŭsia paśla vypadkovaj sustrečy na vulicy. 43‑hadovy babrujec paprasiŭ u starejšaha mužčyny cyharetu. Pamiž imi ŭźnikła svarka, jakaja pierarasła ŭ bojku. 59‑hadovy mužčyna byŭ pjany. Paśla niekalkich udaraŭ pa hałavie jon upaŭ na asfalt i apynuŭsia tvaram uniz u łužynie.
Jahony praciŭnik vyciahnuŭ mužčynu z vady i vyklikaŭ chutkuju dapamohu i milicyju. Adnak vyratavać paciarpiełaha nie ŭdałosia.
Kab dakładna ŭstanavić pryčynu śmierci, u Babrujskim mižrajonnym adździele Dziaržaŭnaha kamiteta sudovych ekśpiertyz praviali sudova-miedycynskuju ekśpiertyzu.
Ekśpierty vyjavili na hałavie i rukach zahinułaha cialesnyja paškodžańni. Jany byli adniesienyja da lohkich i, pavodle zaklučeńnia ekśpierta, nie znachodzilisia ŭ pryčynnaj suviazi sa śmierciu. U kryvi mužčyny vyjavili 3,6 pramile etyłavaha śpirtu.
Pryčynaj śmierci stała miechaničnaja aśfiksija — pierakryćcio dychalnych šlachoŭ vadoj padčas utopleńnia. Takim čynam, dla śmiarotnaha zychodu akazałasia dastatkova navat nievialikaj kolkaści vady ŭ łužynie, kali čałaviek nie moža svoječasova padniać hałavu.
U dačynieńni da 43‑hadovaha babrujca Śledčy kamitet raspačaŭ kryminalnuju spravu za pryčynieńnie śmierci pa nieaściarožnaści.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi6
Kamientary
Mužčina v łužie nie utonuł, a zachlebnułsia. Zachlebnuťsia možno i v tariełkie supa, napivšiś upav v nieje licom, no utonuť v tariełkie nielzia