24 śniežnia sud Čyhunačnaha rajona Viciebska aštrafavaŭ najstarejšaha viciebskaha apazicyjaniera Barysa Chamajdu na 50 bazavych vieličyń. Sudździa Volha Šapavał pryznała jaho vinavatym va ŭdziele ŭ niedazvolenym uładami pikietavańni. Dziejańni aktyvista byli kvalifikavanyja pavodle č. 3 art.23.34 KaAP, paviedamlajuć pravaabaroncy.
Pavodle pratakoła, składzienaha supracoŭnikam Čyhunačnaha RAUS, Barys Chamajda 9 śniežnia kala doma №30 pa vulicy Lenina «ŭziaŭ aktyŭny ŭdzieł u niesankcyjanavanym pikietavańni». Raźmiaściŭ tam płakat z łozunham «Žyvie Biełaruś!», ulotku z drukavanym tekstam «Ty pieramožaš!» i stužki bieła-čyrvonaha koleru. Na dumku milicyjantaŭ, svaimi dziejańniami Chamajda parušyŭ paradak arhanizacyi i praviadzieńnia masavych mierapryjemstvaŭ.
Z pratakołam aktyvist nie pahadziŭsia, viny svajoj nie pryznaŭ, ad dačy pakazańniaŭ admoviŭsia, bo svaje dziejańni pikietam nie ličyć.
«Ja pakazvaju, što ja žyvu ŭ Biełarusi, što tut žyvuć biełarusy, što tut jość historyja, što bieł-čyrvona-bieły ściah — ściah histaryčny… I z boku marali, i z boku zakonnaści — usio narmalna. Ja liču, što hetak vykazvaŭ nacyjanalny, biełaruski intares, a hramadski jon ci palityčny, vyznačajcie sami», — skazaŭ Barys Chamajda.
Paśla ahučvańnia materyjałaŭ spravy sudździa Volha Šapavał pryznačyła Barysu Chamajdu štraf u pamiery adnoj tysiačy trochsot piacidziesiaci rubloŭ (50 bazavych vieličyniaŭ).
Sud doŭžyŭsia 20 chvilin.
-
U Miorskim rajonie lekcyi pra siamiejnyja kaštoŭnaści miascovyja načalniki čytali piensijanieram FOTY
-
«Admienim roŭminh, kazali jany. U vyniku admianili internet». Biełarusy raskazali, što ŭ Rasii nie pracuje roŭminh ni A1, ni MTS
-
«Zaraz jaje budzie achoŭvać Siaroža». Boty atrymali novuju mietadyčku pra Cichanoŭskuju
Źnikłuju ŭ Mjanmie Vieru Kraŭcovu znajšli miortvaj6
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary