Pamior namieśnik ministra zamiežnych spraŭ i ambasadar u ZŠA Aleh Kraŭčanka
Pamior namieśnik ministra zamiežnych spraŭ, pryznačany ŭ lipieni pasłom Biełarusi ŭ ZŠA Aleh Kraŭčanka. Pra heta Tut.by paviedamiŭ pres-sakratar MZS Anatol Hłaz.
Alehu Kraŭčanku było 49 hadoŭ. Ab pryčynach śmierci nie paviedamlajecca.
Aleh Kraŭčanka naradziŭsia ŭ 1971 hodzie ŭ Minsku. Skončyŭ jurydyčny fakultet BDU, aśpiranturu Instytuta fiłasofii i prava Nacyjanalnaj akademii navuk Biełarusi. Kandydat jurydyčnych navuk.
Dypłamatyčnuju słužbu pačaŭ u 1994 hodzie ŭ jakaści ataše, a zatym zajmaŭ roznyja pasady ŭ adździele dahavorna-pravavoha ŭpraŭleńnia Ministerstva zamiežnych spraŭ. U 1999-m byŭ pryznačany daradcam Ambasady Respubliki Biełaruś u Šviecyi, z 2003-ha pracavaŭ u adździele ŭpraŭleńnia humanitarnaha supracoŭnictva i pravoŭ čałavieka MZS. Zatym praciahnuŭ karjeru ŭ ambasadzie Biełarusi ŭ ZŠA.
20 lipienia 2020 hoda Kraŭčanku pryznačyli pasłom Biełarusi ŭ ZŠA, ale jon tak i nie byŭ adkamandziravany ŭ ZŠA. Jon da apošniaha vykonvaŭ abaviazki namieśnika kiraŭnika MZS.
Nahadajem, biełaruskaha ambasadara ŭ Amierycy nie było 12 hadoŭ. Da «pachaładańnia» ŭ dvuchbakovych adnosinach Kraŭčanka ŭžo pracavaŭ u ambasadzie Biełarusi ŭ ZŠA. U 2007 hodzie jon byŭ daradcam ambasady Biełarusi ŭ ZŠA, z 2008-ha pa 2014-y — časovym pavieranym u spravach Biełarusi ŭ ZŠA.
U 2014 hodzie Kraŭčanka viarnuŭsia ŭ Minsk i ŭznačalvaŭ adździeł ZŠA i Kanady ŭpraŭleńnia Amieryki, a zatym — upraŭleńnie Amieryki MZS. Na pasadu ministra byŭ pryznačany ŭ 2017 hodzie.
Apošnija niekalki hadoŭ Aleh Kraŭčanka nie raz naviedvaŭ Vašynhton z aficyjnym vizitam i pradstaŭlaŭ Biełaruś na roznych pieramovach i sustrečach z amierykanskimi kalehami.
Ciapier čytajuć
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary