Kiraŭnik Mižnarodnaj fiederacyi chakieja (IIHF) Rene Fazel prylacieŭ u Minsk i zaraz pravodzić sustreču z Alaksandram Łukašenkam. Pra heta paviedamlaje telehram-kanał «Puł pieršaha».
«My z taboj pierachvareli na ŭsialakija chvaroby — možam vitacca jak zaŭhodna, — skazaŭ Łukašenka Fazelu. — Napeŭna, my paśpiachova pieranieśli hetuju chvarobu, i nadalej nam budzie lahčej. Ja liču, što samaja lepšaja vakcyna ad karanavirusa — heta pieraniesienaja čałaviekam chvaroba: tady vypracoŭvajecca imunitet».
«Jak prezidenta Fiederacyi i asabistaha siabra Biełarusi chaču zapeŭnić, što nijakaj niebiaśpieki ni pa jakich pytańniach u Biełarusi niama i nie budzie — ni pa karanavirusie, ni z punktu hledžańnia palityčnaj biaśpieki abo fizičnaj biaśpieki ludziej, jakija žyvuć tut i pryjazdžajuć da nas jak hości», — cytuje słovy Łukašenki BiełTA.
Raniej dyrektar dackaha chakiejnaha Sajuza Ulryk Łarsien zajaviŭ, što Fiederacyja razhladaje varyjant bajkatavańnia ČS-2021, kali jon projdzie ŭ Minsku z-za palityčnaha kryzisu ŭ Biełarusi. Jon dadaŭ, što da bajkotu mohuć dałučycca Paŭnočnyja krainy.
Taksama suprać praviadzieńnia turniru ŭ Minsku zajavili niekalki chakiejnych čynoŭnikaŭ, u tym liku vice-prezident IIHF Kalerva Kumała, a taksama šerah jeŭrapiejskich arhanizacyj i palitykaŭ, naprykład, premjer Finlandyi Sana Maryn.
Vyklikaje pytańnie i situacyja z karanavirusam u našaj krainie, a mienavita miery, jakija prymaje Biełaruś.
Razam z tym Łukašenka ŭ intervju rasijskaj žuralistcy Naile Askar-zade zajaviŭ: «My asabliva nie parymsia. Projdzie — projdzie, nie projdzie — nie projdzie. Ale padstaŭ, kab jon nie prajšoŭ, na milimietr niama. Heta budzie hańba poŭnaja. My hatovyja choć zaŭtra pravodzić čempijanat śvietu».
ČS pa chakiei pavinien prajści z 21 maja pa 6 červienia ŭ Minsku i Ryzie. U Minsku pavinny hulać zbornyja Biełarusi, Rasii, Šviecyi, Danii, Niamieččyny, Čechii, Słavakii, Vialikabrytanii, a taksama prajści dva čverćfinały, paŭfinały i finał.
-
U finał Kubka Ukrainy pa futbole vyjšła kamanda z druhoha dyvizijona, jakaja za ŭvieś turnir zabiła dva miačy. Jak tak atrymałasia?
-
Žłobinski «Mietałurh» niezvyčajna adśviatkavaŭ pieramohu ŭ čempijanacie Biełarusi pa chakiei
-
FIFA nie płanuje zamianiać zbornuju Irana na čempijanacie śvietu pa futbole
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary