Vialikaje viartańnie Adysieja ciapier hučyć pa-biełarusku. Nieŭzabavie vyjdzie poŭny pierakład hamieraŭskaj «Adysiei» ŭ pierakładzie na biełaruskuju movu Lavona Barščeŭskaha, paviedamiła vydaviectva Połackija Łabirynty.
«Adysieja» — druhi viadomy (napisany paśla «Ilijady») epičny tvor Staražytnaj Hrecyi i adzin z najvialikšych pomnikaŭ suśvietnaj litaratury. Aŭtarstva abiedźviuch paem tradycyja prypisvaje paŭlehiendarnamu pieśniaru Hamieru, jaki, vierahodna, žyŭ u VIII stahodździ da n. e.
Heta historyja viartańnia hieroja dadomu paśla Trajanskaj vajny, poŭnaja niebiaśpiečnych pryhod, sustreč z bahami i pačvarami, vyprabavańniaŭ viernaści, rozumu i čałaviečaj hodnaści. Na praciahu amal troch tysiačahodździaŭ «Adysieja» zastajecca adnym z hałoŭnych tvoraŭ jeŭrapiejskaj cyvilizacyi.
Pieršy poŭny pierakład paemy na biełaruskuju movu, ad pačatku i da kanca vykanany hiekzamietram, ździejśniŭ Lavon Barščeŭski. Vydańnie taksama źmiaščaje kamientary, jakija dapamohuć sučasnamu čytaču lepš zrazumieć tvor i jaho kulturna-histaryčny kantekst.
«Adysieja» pa-biełarusku — heta mahčymaść adkryć adzin z najvialikšych tvoraŭ čałaviectva na rodnaj movie.
Mahčyma zrabić papiaredni zakaz na vydańnie, da 20 vieraśnia dla jaho budzie śpiecyjalnaja cana — 89 złotych (kala 23,8 dalara).
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary