Hramadstva

Makiej: Niama pryčyn dla ŭvahi da Biełarusi pa pravach čałavieka, a biełaruskija harady — adny z samych biaśpiečnych u śviecie

Pra heta zajaviŭ ministr zamiežnych spraŭ Biełarusi Uładzimir Makiej, vystupajučy na 46-j siesii Rady AAN pa pravach čałavieka, piša Tut.by.

Kiraŭnik MZS adznačyŭ, što siońnia pravy čałavieka stali ŭlubionaj padstavaj «tak zvanych śpiełych demakratyj» dla advolnych abvinavačvańniaŭ u adras tych dziaržaŭ, jakija vykonvajuć abaviazacielstvy ŭ śfiery pravoŭ čałavieka, stroha prytrymlivajučysia mižnarodnych damovaŭ, a nie ich tendencyjnych tłumačeńniaŭ. Robicca heta, na dumku Makieja, u metach palityčnaj dyskredytacyi ŭłady ŭ hetych dziaržavach, što nie ŭpisvajucca ŭ zachodniuju karcinu śvietu, i ŭ metach likvidacyi hetaj ułady luboj canoj.

— Ja ŭpeŭniena kažu pra heta pa toj prostaj pryčynie, što horača lubimaja cacka zachodnich krain u vyhladzie ekanamičnych sankcyj aktyŭna vykarystoŭvajecca imi dla cisku na inšyja suvierennyja dziaržavy, absalutna nie sumiaščalnaja z kłopatam ab pravach čałavieka, ab samim čałavieku. Takaja taktyka ŭjaŭlaje saboj aburalnaje parušeńnie dekłaracyi pryncypaŭ mižnarodnaha prava, zasnavanaj u 1970 hodzie, u jakoj abvieščana, što nivodnaja dziaržava nie moža ni prymianiać, ni zaachvočvać prymianieńnia adnabakovych ekanamičnych, palityčnych mier abo mier inšaha charaktaru z metaj padparadkavańnia sabie inšaj dziaržavy ŭ ažyćciaŭleńni joju svaich suvierennych pravoŭ, — zajaviŭ Uładzimir Makiej.

Kiraŭnik MZS čarhovy raz padkreśliŭ, što biełaruskija ŭłady nikoli nie śćviardžali, što Biełaruś idealnaja kraina, ale jany kateharyčna nie zhodnyja z subjektyŭnymi abvinavačvańniami ŭ parušeńniach pravoŭ čałavieka, jakija hučać na adras biełaruskich uładaŭ u Radzie AAN pa pravach čałavieka z boku šerahu jaho členaŭ.

— Niama pryčyn dla ekskluziŭnaj uvahi da Biełarusi pa temie pravoŭ čałavieka, akramia jak vyklučna z metaj palityčnaha cisku na zakonny ŭrad. Nivodnaja kraina ŭ Jeŭropie nie padviarhajecca takomu mocnamu cisku z boku zachodnich krain, jak Biełaruś.

Padobna na toje, što chtości nie moža pryzvyčaicca da dumki, što niahledziačy na žorstki ekanamičny i palityčny presinh, biełaruskaja dziaržava raźvivajecca nie pa vykrajenych lakałach zachodnich krain, a tak, jak vyrašaje sam biełaruski narod u svaich ułasnych intaresach. Za hetuju niezaležnuju pazicyju Biełaruś padvierhnułasia žorstkaj atacy zvonku. Padstavaj była abranaja niezadavolenaść častki nasielnictva vynikami prezidenckich vybaraŭ. Z metaj źviaržeńnia dziejnaj ułady byli zadziejničanyja raznastajnyja miechanizmy destabilizacyi ŭnutranaj abstanoŭki: ad tyražavanych u sacyjalnych sietkach fejkavych navin, stymulavańnia i palityčnaj, i finansavaj padtrymki zvonku nibyta «stychijnych» pratestaŭ, da šyrokich naboraŭ palityčnych i ekanamičnych sankcyj. Ale Biełaruś vystajała, my zachavali krainu, jaje suvierenitet i niezaležnaść, — skazaŭ Makiej.

— My z honaram možam zajavić, što biełaruskija harady — adny z samych biaśpiečnych haradoŭ u śviecie, što ŭsim hramadzianam u našaj krainie zabiaśpiečana mahčymaść pracoŭnaj zaniataści, pradastaŭlena prava na piensiju, biaspłatnuju adukacyju i adnu z samych dastupnych i efiektyŭnych u śviecie sistem biaspłatnaj miedycyny, — zajaviŭ Makiej.

Ministr adznačyŭ, što karancinnyja miery, pryniatyja ŭ zachodnich krainach, parušali pravy čałavieka ŭ ich.

Kamientary

Ciapier čytajuć

Cichanoŭski patłumačyŭ, čamu jon tak pavodziŭ siabie ŭ Ńju-Jorku44

Cichanoŭski patłumačyŭ, čamu jon tak pavodziŭ siabie ŭ Ńju-Jorku

Usie naviny →
Usie naviny

U tyktoku pakazali, jak vyrablajuć babrujski ziefir ručnoj raboty. Ludzi ździvilisia7

Dla biełaruskaha rubla prydumajuć novy hrafičny znak25

U BRSM pastavili novaha lidara7

Pamior były palitviazień Valeryj Cimašenka. Jamu było 42 hady3

Čempijonka pa tajskim boksie pierabiła tatu z tvaram Łukašenki ŭ siabie na nazie7

AAN apraŭdvajecca — Bieły dom zapadozryŭ arhanizacyju ŭ sabatažy praz prablemy padčas vystupu Trampa2

Łukašenka znoŭ lacić da Pucina8

Rasijskija drony pierastali zalatać u Biełaruś, choć Ukrainu pa-raniejšamu atakujuć4

Aŭtobusy ŭžo zajmajuć čarhu pierad polskaj miažoj

bolš čytanych navin
bolš łajkanych navin

Cichanoŭski patłumačyŭ, čamu jon tak pavodziŭ siabie ŭ Ńju-Jorku44

Cichanoŭski patłumačyŭ, čamu jon tak pavodziŭ siabie ŭ Ńju-Jorku

Hałoŭnaje
Usie naviny →

Zaŭvaha:

 

 

 

 

Zakryć Paviedamić