Čamu ludzi praciahvajuć spažyvać miasa, kali nie chočuć zabivać žyvioł?
Hłabalny popyt na miasa ŭsio jašče vialiki, choć ludzi viedajuć pra pakuty žyvioł i ekałahičnyja nastupstvy žyviołahadoŭli. Bolšaść ludziej nie chočuć zabivać abo mučyć žyvioł, ale praciahvajuć spažyvać miasa. U čym ža pryčyna?
U siarednim adzin čałaviek u Hiermanii źjadaje kala 60 kiłahramaŭ miasa štohod. U ZŠA i Aŭstralii hety pakazalnik dasiahaje 100 kiłahramaŭ. Adnak mała chto ŭłasnaručna zabivaje žyvioł. Zamiest hetaha ludzi nabyvajuć jaho hatovym u supiermarkietach. Heta dazvalaje spažyvalnikam lohka zabyć, što kurynyja nožki, stejk ź jałavičyny abo baranovaja łapatka, jakija traplajuć na ich talerki, kaliści byli častkaj žyvoj istoty.
Jakraz adsutnaść atajasamlivańnia miasa z žyvoj istotaj dapamahaje ludziam paźbiehnuć dylemy «miasnoha paradoksu» — psichałahičnaha kanfliktu pamiž spažyvańniem ludźmi miasa i maralnym niepryniaćciem pakut i śmierci žyvioł. Jak ličać psichołahi, maralny pryncyp nie zabivać ułaścivy ludziam niezaležna ad ich kulturnaha pachodžańnia, piša DW.
Kali ludzi pačynajuć razvažać na temu navakolnaha asiarodździa i źmieny klimatu, to niemahčyma nie zakranuć temu ŭžyvańnia miasa. Pa źviestkach «Miasnoha atłasa 2021» (Meat Atlas 2021), apublikavanaha ŭ studzieni, 70% sielskahaspadarčych ziemlaŭ va ŭsim śviecie vykarystoŭvajecca dla žyviołahadoŭli.
40% ziemlaŭ vykarystoŭvajucca dla vyroščvańnia kormu. Pakul raście popyt na miasa ŭ śviecie, raście i patreba ŭ pašach i vytvorčaści kormu, što pryvodzić da vyrubki lasoŭ. A heta značyć, što kolkaść raślin, jakija pahłynajuć CO2, i bijałahičnaja raznastajnaść imkliva skaračajucca.
Dla vytvorčaści adnaho kiłahrama jałavičyny patrabujecca kala 15 tysiač litraŭ vady. Heta, u svaju čarhu, pryvodzić da asušeńnia rek, źnižeńnia ŭzroŭniu hruntavych vod i zasaleńnia hleby.
Da taho ž, šyrokaje spažyvańnie miasa pavialičvaje vierahodnaść pierachodu virusaŭ ad žyvioł da ludziej, što pryvodzić da katastrafičnych nastupstvaŭ.
Daśledavańni bijołahaŭ pakazali, što śvińni — nadzvyčaj razumnyja žyvioły. Adnak jany ŭsio roŭna apynulisia ŭ katehoryi sielskahaspadarčych i stali adnoj z žyvioł, jakich spažyvajuć čaściej za ŭsich. Padzieł žyvioł na sielskahaspadarčych i svojskich — adzin sa sposabaŭ, jakija ludzi vykarystoŭvajuć, kab vyrašyć dla siabie «miasny paradoks». Kali adnych žyvioł ličać nižej za astatnich, to praściej apraŭdać ich zabojstva i spažyvańnie.
-
U harach Bałharyi za tydzień znajšli šeść trupaŭ. Miarkujuć, što troje zabili inšych traich. Ale chto tady zabiŭ ich samich?
-
Zorny biełaruski akcior Ihar Sihoŭ pajšoŭ u kiroŭcy aŭtobusa. Kaža, što heta lepš, čym u taksi
-
Mužčyna vyžyŭ paśla žudasnaha napadu akuły na Karybach. Jon padzialiŭsia, što ź im było
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary