U Viciebsku patrabujuć praciahnuć kantrakt z doktaram Martavym
Žychary Viciebska stvaryli elektronnuju pietycyju da abłzdravu z patrabavańniem praciahnuć kantrakt zahadčyku adździaleńnia aniestezijałohii i reanimacyi BCHMD Uładzimiru Martavu.
Na momant publikacyi pad joj kala tysiačy podpisaŭ, piša TUT.BY.
«My ličym, što ŭ XXI stahodździ zvalnieńnie za praŭdu biesčałaviečna! — adznačajuć aŭtary pietycyi. — Na naš pohlad, heta było zroblena z toj pryčyny, što Uładzimir Jurjevič Martaŭ staŭ adnym ź pieršych daktaroŭ u Biełarusi, chto jašče ŭ krasaviku 2020 hoda, kali ŭłady zapeŭnivali, što nichto ad COVID-19 u nas nie pamiraje, nie pabajaŭsia zajavić, što prablema jość i jana surjoznaja. Tamu my chadajničajem ab adnaŭleńni jaho na pasadzie zahadčyka adździaleńnia aniestezijałohii i reanimatałohii Viciebskaj haradskoj kliničnaj balnicy chutkaj miedycynskaj dapamohi».
1 sakavika Uładzimir Martaŭ atrymaŭ apaviaščeńnie ad administracyi BCHMD ab tym, što z 3 krasavika ź im nie praciahvajuć pracoŭny kantrakt — «u suviazi sa skančeńniem terminu jaho dziejańnia».
Zahadčyk adździaleńnia aniestezijałohii i reanimacyi Uładzimir Martaŭ u miedycynie 30 hadoŭ.
Ciapier čytajuć
«Mama płakała try dni, a tata nie razmaŭlaŭ hod». Kazaška vyjšła zamuž za biełarusa — i sutyknułasia z chejtam9
Kamientary