ES pastaviŭ palityčnuju zadaču pavialičyć vytvorčaść kampjutarnych čypaŭ
Jeŭrapiejskaja kamisija choča dabicca, kab unutry ES vyrablałasia 20% suśvietnaj pradukcyi pieradavych čypaŭ.
10% čypaŭ płaniety ciapier vyrablajucca ŭ jeŭrapiejskich krainach, ES choča ŭdvaja pavialičyć hetuju dolu da kanca dziesiacihodździa, paviedamlaje BBC.
Adnak prablema ŭ tym, što ZŠA i Kitaj taksama imknucca vyrablać bolš kampjutarnych čypaŭ.
Na siońnia ž u hetaj halinie daminujuć tajvańskaja kampanija TSMC i paŭdniovakarejskaja Samsung. Hetyja kampanii vyrablajuć najbolš sučasnyja čypy.
«My znachodzimsia ŭ paradaksalnaj situacyi, kali Jeŭropa vykarystoŭvaje šmat roznych čypavych technałohij, adnak sama vyrablaje ich mała», — adznačyła Marhret Viestahier, vice-prezident Jeŭrakamisii.
Niekatoryja vykazvajuć mierkavańnie, što ES da hetych dziejańniaŭ pabudziła napružanaść pamiž ZŠA i Kitajem u hetaj halinie. Kampjutarnyja čypy — najvažniejšyja stratehičnyja kampanienty, jakija źjaŭlajucca asnovaj dla vialikaj kolkaści technałohij. Mahčymaść vyrablać pieradavyja čypy nabyvaje hieapalityčnaje značeńnie.
Raniej u Jeŭropie industryja vytvorčaści čypaŭ raźvivałasia vielmi chutka. Adnak takija bujnyja kampanii, jak niderłandaskaja NXP Semiconductors abo niamieckaja Infineon Technologies, pieradali bolšuju častku svajoj vytvorčaści na aŭtsorsinh.
Vytvorčaść čypaŭ — nadzvyčaj darahi biznes. Zhodna z acenkami ekśpiertaŭ, budoŭla takoha zavoda moža abyścisia ŭ $20 miljardaŭ. Da taho ž, patrebna šmat hadoŭ, kab takija raschody akupilisia.
Bolš za toje, sučasnyja čypy stanoviacca ŭsio bolš składanymi, tamu asvajeńnie ich vytvorčaści vyklikaje peŭnyja ciažkaści.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary