Čym karysny biarozavy sok, a kamu jaho treba aścierahacca
Daśledavańniaŭ ab karyści i škodzie biarozavaha soku nie tak šmat — tym nie mienš, sioje-toje navucy ab hetym pradukcie viadoma. U čym karyść biarozavaha soku i čamu abpivacca im taksama nie varta, piša Tut.by.
Upłyvaje na skład biarozavaha soku moža mnostva faktaraŭ, u tym liku typ hleby i ŭzrost dreva.
Tym nie mienš, tradycyjna jaho nazyvajuć dobraj krynicaj vitaminaŭ i minierałaŭ. U im mała kałoryj i cukru, zatoje šmat mahniju i marhancu (hety minierał važny ŭ pieršuju čarhu dla zdaroŭja kostak). Taksama jość fosfar, kalij, falijnaja kisłata, vitamin S; antyaksidanty, jakija dapamahajuć zmahacca z akiślalnym stresam u arhaniźmie.
Pa vynikach daśledavańnia z aściarožnaściu da hetaha napoju rajać stavicca tym, u kaho jość alerhija na biarozavy pyłok.
Da taho ž, z-za vialikaj kolkaści marhancu ŭžyvać hety napoj varta ŭ abmiežavanych kolkaściach (asabliva dla ludziej z zachvorvańniami piečani).
Kali zychodzić z taho, što vierchniaja dapuščalnaja miaža marhancu u dzień składaje 9-11 mh u dzień dla darosłych i 2-6 mh dla dziaciej, darosłym nie varta pić bolš za 900 mł, a dzieciam bolš za 300 mł hetaha napoju (u 300 mł biarozavaha soku 3 mh marhanca).
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary