Asudžanych da rasstrełu bratoŭ Kościevych pamiłavali. Ich čakaje pažyćciovaje źniavoleńnie
Kaardynataru kampanii «Pravaabaroncy suprać śmiarotnaha pakarańnia ŭ Biełarusi» Andreju Pałudzie stała viadoma pra pamiłavańnie bratoŭ Kościevych, piša «Viasna». Pra heta jamu raspaviali rodnyja asudžanych.
30 krasavika svajaki asudžanych da śmiarotnaha pakarańnia Illi i Stanisłava Kościevych sprabavali pieradać im pieradaču ŭ SIZA-1. Adnak dziažurny ich pieradaču nie pryniaŭ, skazaŭ, što nakont asudžanych pryjšła papiera ab pamiłavańni z administracyi prezidenta. Ciapier chłopcy znachodziacca ŭžo nie pad jurysdykcyjaj SIZA-1, a adbyvajuć karancin dla etapavańnia ŭ turmu №8 h. Žodzina.
Nijakaj papiery rodnym Kościevych nie dali, ale jany spadziajucca, što atrymajuć aficyjnaje padćvierdžańnie infarmacyi na pačatku nastupnaha tydnia.
Da hetaha pravaabaroncam było viadoma tolki pra adziny vypadak pamiłavańnia asudžanaha da śmiarotnaha pakarańnia za ŭsiu historyju niezaležnaj Biełarusi.
Nahadajem, 10 studzienia 2020 hoda na vyjaznym pasiadžeńni Mahiloŭskaha abłasnoha suda ŭ Čerykavie byli vyniesienyja adrazu dva śmiarotnyja prysudy ŭ dačynieńni da bratoŭ 19-hadovaha Stanisłava i 21-hadovaha Illi Kościevych. Ich abvinavacili ŭ zabojstvie nastaŭnicy, jakaja žyła pa susiedstvie, i padpale jaje doma. Prysud ab pryznačeńni najvyšejšaj miery pakarańnia — rasstrełu — vynies sudździa Michaił Mielnikaŭ.
22 maja 2020 hoda Viarchoŭny sud nie zadavoliŭ apielacyjnuju skarhu bratoŭ Kościevych, prysud asudžanym pakinuli ŭ sile. Paśla hetaha rodnyja Illi i Stanisłava źviarnulisia z prašeńniem ab pamiłavańni da Alaksandra Łukašenki.
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ4
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary