Rankam 4 maja zatrymali skivičnaha chirurha Andreja Lubieckaha. Infarmacyju «Našaj Nivie» paćvierdziła jaho siamja.
«Rankam da Andreja pryjšli dadomu, nie viedajem, u kolki dakładna. Abšukali kvateru i jaho zabrali», — kaža siamja.
U miežach jakoj spravy — administracyjnaj ci kryminalnaj, — pakul nieviadoma. Svajaki čakajuć infarmacyi ad advakata.
Lubiecki — vybitny skivičny chirurh. Da taho jak syści ŭ pryvatnuju praktyku, amal 18 hod jon pracavaŭ u 4-j dziciačaj balnicy. Pravodziŭ unikalnyja apieracyi pa płastycy raskolin padniabieńnia i tvaru. Jaho žonka Natalla — stamatołah. Jana pazbaviłasia pracy paśla siužeta na ANT, dzie raskazvali pra jaje dapamohu Iharu Makaru.
Niekalki dzion tamu Natalla razam z čatyrma dziećmi źjechała za miažu, a Andrej zastaŭsia ŭ Biełarusi.
Kamientary