Pryjšła na płošču Pieramohi z partretam baćki-vieterana — atrymała 20 sutak. Znoŭ asudzili aktyvistku Łahackuju
9 maja na śviatkavańni Dnia Pieramohi ŭ Minsku zatrymali aktyvistku Halinu Łahackuju. Žančyna pryjšła na płošču Pieramohi z partretam baćki-vieterana, ale ŭ vyniku apynułasia na Akreścina.
Siońnia stała viadoma, što Halinu asudzili na 20 sutak aryštu — nibyta jana maciukałasia ŭ hramadskim miescy i paśla supraciŭlałasia pry zatrymańni. Pasiadžeńnie prajšło ŭ sudzie Partyzanskaha rajona tajemna z udziełam dziažurnych supracoŭnikaŭ: pra jaho nie paviedamili ni svajakam, ni advakatu Haliny, chacia jašče 10 maja jon paviedamiŭ sudu, što źjaŭlajecca abaroncam žančyny.
«Halina zmahła mnie patelić z RUUS 9 maja. Paśpieła paviedamić, što abvinavačvajuć jaje ŭ tym, što jana nibyta čaplałasia da ludziej, tamu i chulihanstva. Ale siastra nie pryznała vinu. Bolš padrabiaznaściaŭ pakul nie viedajem, budziem daznavacca praz advakata. Ja, darečy, sama jechała da siastry na sustreču na płošču Pieramohi, ale voś nie paśpieła… Chto ž dumaŭ, što na śviata buduć zatrymlivać?» — raspaviała «Našaj Nivie» siastra Haliny Łarysa.
Dla Haliny heta ŭžo nie pieršaje abmiežavańnie voli za apošni čas. U lutym jaje zatrymali na 15 sutak paśla suda nad žurnalistkami «Biełsata» Kaciarynaj Andrejevaj i Darjaj Čulcovaj: zaprasili na prafiłaktyčnuju hutarku ŭ RUUS i bolš nie vypuścili, skłaŭšy pratakoł pa artykule 23.4 KaAP.
U vieraśni ž jana adsiadzieła 7 sutak, trapiŭšy za kraty nibyta za ŭdzieł u pikiecie kala Čyrvonaha kaścioła (darečy, paśla vyzvaleńnia žančyna zmahła asprečyć hety prysud u Minskim haradskim sudzie). Jašče na 15 sutak jaje aryštoŭvali za ŭdzieł u pieršym maršy piensijanieraŭ. A ŭ červieni jana atrymała 1215 rubloŭ štrafu za pikiet na Kamaroŭcy.
Da 2020 hoda Halinu nieadnarazova zatrymlivali padčas praviadzieńnia maršaŭ pradprymalnikaŭ i «niedarmajedaŭ».
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary