Minharsud admianiŭ 7 sutak aryštu, jakija aktyvistka ŭžo adbyła na Akreścina
21 kastryčnika sudździa Mienskaha haradzkoha sudu Dzijana Kučuk admianiła pastanovu sudu Maskoŭskaha rajonu Miensku adnosna aktyvistki Haliny Łahackaj i adpraviła jaje spravu na razhlad inšaha sudździ, piša «Svaboda».
Raniej sudździa Volha Małašenka prysudziła aktyvistcy 7 sutak administracyjnaha aryštu za ŭdzieł u pikiecie 14 vieraśnia kala Čyrvonaha kaścioła.
Žančyna na sudzie nie pryznała viny, a pa vychadzie ź izalatara asprečyła pastanovu ŭ Mienskim haradzkim sudzie. Siońnia na razhladzie skarhi Halina Łahackaja davodziła, što jaje sudzili sa šmatlikimi parušeńniami.
«14 vieraśnia kala Čyrvonaha kaścioła prachodziŭ pikiet pratestoŭcaŭ, a ja tam źbirała podpisy pad listom u «Biełteleradyjokampaniju». Źjavilisia milicyjanty, zatrymali niekalki dziaŭčat, ja ž sprabavała davieści, što jany nie parušali zakonu. I mianie taksama prychapili. Ale sudzili potym navat biez apytańnia śviedak, usie fakty byli pierakručanyja. Jość videa, jakoje paćviardžaje maje słovy, tamu, spadziajusia, i na novym pracesie damahusia praŭdy», — skazała paśla pracesu ŭ haradzkim sudzie Halina Łahackaja.
20 kastryčnika Halina Łahackaja vyjšła z centru izalacyi pravaparušalnikaŭ na Akreścina paśla adbyćcia inšaha pakarańnia — 15 sutak za ŭdzieł u pieršym Maršy pensijaneraŭ. «Budu abskardžvać i tuju pastanovu», — skazała aktyvistka.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary