Stvaralniki startapa Monarch Tractor z Kalifornii śćviardžajuć, što ich pieršy ŭ śviecie bieśpiłotny elektratraktar dapamoža fiermieram pavialičyć dachod i vieści bolš ekałahičnuju haspadarku.
Kampaktny traktar možna zaprahramavać na vykanańnie samych roznych zadač: uzvorvańnie, zbor uradžaju, skošvańnie. Bolš za toje, elektratraktar moža pracavać na praciahu 10 hadzin biez zaradki, piša CNN.
Traktaru nie patrebny kiroŭca, ale patrebny apieratar, jaki budzie atrymlivać paviedamleńni ŭ režymie realnaha času, kali nieabchodna spynić elektratraktar. U technałohii jość čujniki, jakija vyjaŭlajuć žyvioł i sielskahaspadarčyja kultury, kab nie paškodzić ich, a taksama jość admysłovaja sistema dla praduchileńnia sutyknieńniaŭ ź inšymi rabotnikami fiermy. Usio heta robić traktar całkam aŭtanomnym.
Pradstaŭniki kampanii śćviardžajuć, što adzin taki traktar skaračaje vykidy vuhlarodu ŭ siarednim na 53 tony štohod — heta toje ž samaje, što prybrać z daroh 14 bienzinavych lehkavikoŭ.
Akramia hetaha, elektratraktary mohuć źbirać źviestki z pola padčas pracy, što daść fiermieram infarmacyju pra stan hleby na poli i taksama papiaredžvać pra mahčymyja prablemy, naprykład, niedachop vady.
Kampanija ŭžo pačynaje pradavać svaje elektratraktary fiermam pa startavaj canie 50 tysiač dalaraŭ. Raspracoŭščyki śćviardžajuć, što taki transpartny srodak dapamoža fiermieram zekanomić tysiačy dalaraŭ štohod na palivie i pracoŭnaj sile.
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
-
Hravitacyjnaja madel NASA demanstruje «bulbapadobnuju» formu Ziamli
-
Małako biez karovy: izrailskija navukoŭcy navučyli raśliny vyrablać małočny białok
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary