Uładalnik «Urałchima» zajaviŭ ab niedatyčnaści da finansavańnia telehram-kanała Ściapana Puciły
Hiendyrektar kampanii «Urałchim» Dźmitryj Maziepin zajaviŭ, što nie maje dačynieńnia da finansavańnia telehram-kanała Ściapana Puciły, pryznanaha ŭładami Biełarusi ekstremisckim.
TASS
«Toje, što tyčycca hałoŭnaha pytańnia ab finansavańni (…). Ja mahu adkazać prosta i ščyra: ni ja, ni maje kampanii nikoli nie finansavali hety telehram-kanał», — skazaŭ Maziepin žurnalistam u paniadziełak.
«Mnie niepryjemna kazać pra finansavańnie hetaha telehram-kanała, bo heta supiarečyć maim pohladam», — adznačyŭ Maziepin.
Raniej Pratasievič na ANT raspavioŭ pra niejkaha rasijskaha aliharcha, jaki nibyta spansiravaŭ biełaruskuju apazicyju i byŭ «pramym kankurentam Huceryjeva».
Rasijskija ŚMI vykazali zdahadku, što heta moh być uradženiec Minska Dźmitryj Maziepin.
Kamientary