U kramach možna kupić małako i kiefir, u najbližejšy čas źjaviacca tvaroh i śmiatana ź biełaruskaj movaj na pakunku.
Handlovaja marka «Biarozka» całkam pierachodzić na biełaruskuju movu. I heta budzie tyčycca nie tolki najmieńniaŭ praduktaŭ i techničnaj infarmacyi.
Adbylisia źmieny i ŭ dyzajnie ŭpakoŭki. Pierafarmavana struktura brend-zony: nazva «Biarozka» vyniesiena ŭvierch z metaj akcentavańnia ŭvahi, słohan i inšyja elemienty raźmieščany nižej. Piejzaž biełaruskaj pryrody taksama vyhladaje pa-inšamu — u novym malunku zrobleny akcent na hałoŭnyja atrybuty małočnaha kraju: zialonyja pali, łuhi i błakitnyja aziory.
Praca nad stvareńniem biełaruskamoŭnaha brenda ŭ kampanii viałasia ŭžo davoli daŭno. Stajała zadača nie prosta pierakłaści isnujučy brend na biełaruskuju movu, a stvaryć jamu biełaruskuju dušu. Tamu dla vyznačeńnia pieravah ajčynnaha spažyŭca było praviedziena niekalki markietynhavych daśledavańniaŭ.
Małočnaja pradukcyja budzie pierachodzić u abnoŭleny brend paetapna. Małako i kiefir ad «Biarozki» ŭ biełaruskamoŭnaj upakoŭcy ŭžo možna znajści na pryłaŭkach kramaŭ i handlovych sietak krainy.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary