Za zakliki da sankcyj buduć karać bolš žorstka. Deputaty pryniali ŭ pieršym čytańni zakonaprajekt
Deputaty Pałaty pradstaŭnikoŭ pryniali ŭ pieršym čytańni zakonaprajekt «Ab źmienie Kryminalnaha kodeksa Respubliki Biełaruś». Prajekt zakona byŭ uniesieny ŭ Pałatu pa daručeńni Łukašenki deputatam Aleham Biełakonievym, paviedamlaje BiełTA.
Zhodna z prajektam, «u suviazi z raspaŭsiudžvańniem novych śpiecyfičnych vidaŭ supraćpraŭnaha pavodzinaŭ i z metaj uzmacnieńnia previentyŭnaha patencyjału» artykuł 361 Kryminalnaha kodeksa vykładajecca ŭ novaj redakcyi.
Stanovicca bolš žorstkaj kryminalnaja adkaznaść za dziejańni, nakiravanyja na pryčynieńnie škody nacyjanalnaj biaśpiecy Biełarusi, u tym liku za zakliki, nakiravanyja na prymianieńnie sankcyj u dačynieńni da Biełarusi, fizičnych i jurydyčnych asob krainy.
Raniej Biełakonieŭ tłumačyŭ navacyi ŭ artykule. Pa jaho słovach, u toj čas, kali pisali farmuloŭku artykuła, «pieršapačatkova nie było takich paniaćciaŭ, jak hłabalnaja sietka Internet, Twitter, Facebook. My bačyli, što adbyvałasia ŭ 2020 hodzie, pačynajučy z 9 žniŭnia, jak adbyvalisia ŭsie hetyja zakliki».
«Tamu pa pieršaj častcy — za zakliki da źviaržeńnia kanstytucyjnaha ładu, zachopu ŭłady, zakliki da terarystyčnych aktaŭ, roznaha rodu prajavaŭ, u tym liku i prymianieńnia abmiežavalnych sankcyjnych mier da samoj dziaržavy, da fizičnych, jurydyčnych asob — buduć karacca pazbaŭleńniem voli da 6 hadoŭ [było da 5 hadoŭ].
Druhaja častka — u asnoŭnym heta zakliki da zamiežnaj dziaržavy. Heta značyć, kali niejki čałaviek źviartajecca da ES, da niejkaha dziaržavy i prosić, kab uviali sankcyi suprać jaho krainy, dzie jon pražyvaje, — da 10 hadoŭ [było da 5 hadoŭ].
I treciaja častka: kali heta ažyćciaŭlajecca z vykarystańniem hłabalnaj sietki Internet, ŚMI, z vykarystańniem svajho słužbovaha stanovišča słužbovaj asobaj i heta paciahnuła ciažkija nastupstvy, to pakarańnie ŭžo stanovicca bolš surjoznym: ad 4 da 12 hadoŭ» [było ad 2 da 7 hadoŭ], — tłumačyŭ Biełakonieŭ.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary