Stan zdaroŭja byłoha prezidenta Hruzii Michaiła Saakašvili pahoršyŭsia, u jaho źjavilisia prablemy z pamiaćciu. Pra heta zajaviŭ jahony advakat Nika Hvaramija, paviedamlaje telekanał Mtavari Arkhi.
Hvaramija paviedamiŭ, što palityk užo maje surjoznyja prablemy sa zdaroŭjem, piša RBK.
«Jon (Saakašvili) nie moža ŭspomnić imiony ludziej.
Jon usio jašče pamiataje mianie, ale padčas razmovy akazałasia, što nie moža ŭspomnić navat imiony niekatorych ź jaho siabroŭ», — raspavioŭ advakat.
Jon dadaŭ, što palityk admaŭlajecca ad ahladaŭ daktaroŭ, pakul nie budzie sfarmavanaja alternatyŭnaja miedycynskaja kamisija. «Jon asabista vykazvaje davier i pavahu ŭsim daktaram, adnak miarkuje, što hety saviet [daktaroŭ] u značnaj stupieni kantralujecca [uładami]», — paviedamiŭ Hvaramija.
Saakašvili viarnuŭsia ŭ Hruziju paśla vaśmihadovaj adsutnaści i napiaredadni praviadzieńnia ŭ krainie miascovych vybaraŭ. Byŭ zatrymany, raspačata sprava ab niezakonnym pierasiačeńni miažy. I heta sprava stała piataj, u jakim jaho abvinavačvajuć ułady Hruzii. Pa dvuch ź ich sud užo vynies zavočnym rašeńnie — Saakašvili asudžany na dzieviać hadoŭ pazbaŭleńnia voli pa spravach ab źbićci deputata Valeryja Hiełašvili i zabojstvie deputata Sandra Hirhvlijani. Dźvie astatnija spravy zaviedzienyja pa artykułach ab pieravyšeńni słužbovych paŭnamoctvaŭ i rastracie biudžetnych srodkaŭ.
Eks-prezident paśla zatrymańnia abjaviŭ haładoŭku 1 kastryčnika. Učora jaho maci źviarnułasia da prezidenta Ukrainy Zialenskaha z prośbaj vyratavać syna.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary