Hihin: Zachad — rabaŭniki i ściarviatniki, a my — alternatyŭny centr
Zachad choča pryjści da suśvietnaha hiehiemanizmu, ale adnapalarnaha śvietu nie budzie. Takoje mierkavańnie vykazaŭ staršynia praŭleńnia tavarystva «Viedy» Vadzim Hihin u efiry ANT.
«Heta cyvilizacyjnaje supraćstajańnie. My ich nie zadavalniajem, tamu što my niejki alternatyŭny centr. My — heta Biełaruś i Rasija. Kitaj taki centr pradstaŭlaje. Jany chočuć pryjści da suśvietnaha hiehiemanizmu, — pierakanany Hihin. — Jany heta ŭžo i nie chavajuć».
Na dumku Vadzima Hihina, u Zachadu impieryjalistyčnaje myśleńnie, i jano sychodzić u dalokija histaryčnyja časy. «Heta rabaŭniki, ściarviatniki. My pavinny razumieć, z kim my majem spravu», — kaža jon.
Hihin ličyć, što ŭ sučasnym śviecie Zachad užo prajhraŭ.
«Usie ich isteryki, šalenstva, sproba katacca na tankach uzdoŭž našych miežaŭ — heta słabaść», — kaža Hihin.
Čaho čakaje Polšča ad Minska i ci zakryje znoŭ miažu na hetym tydni?26
Kamientary