U Homieli sahnali cełuju aŭdytoryju zamiežnych studentaŭ dla publičnaha sudzilišča
U Homielskim dziaržaŭnym univiersitecie imia Skaryny praviali publičny razhlad pytańnia ab prymusovaj vysyłcy dvuch zamiežnych studentaŭ. U mierapryjemstvie ŭdzielničali pradstaŭniki ŭpraŭleńnia pa hramadzianstvie i mihracyi i supracoŭniki milicyi, a ŭ jakaści hledačoŭ sabrali cełuju aŭdytoryju studentaŭ.
Za metu sustrečy, jak było zajaŭlena, staviŭsia pakaz zamiežnym studentam, jakija nastupstvy mohuć mieć parušeńni zakanadaŭstva i mihracyjnych pravił.
Pieršy student, treciakurśnik i hramadzianin adnoj z krain Centralnaj Azii, nieadnarazova pryciahvaŭsia da administracyjnaj adkaznaści ŭ DAI. Było pryniata rašeńnie vysłać jaho ź Biełarusi i zabaranić ujezd u krainu na adzin hod. U vypadku parušeńnia hetaj zabarony jamu pahražaje kryminalnaja adkaznaść.
Druhi student, taksama hramadzianin toj ža krainy i pieršakurśnik, sistematyčna prapuskaŭ zaniatki i mieŭ niezdavalniajučyja adznaki, praz heta byŭ adličany. Paśla adličeńnia jon pavinien byŭ pakinuć Biełaruś u vyznačany termin, adnak hetaha nie zrabiŭ, tamu jaho znachodžańnie ŭ krainie stała niezakonnym. Jamu zabaranili ŭjezd u Biełaruś na čatyry hady.
Paśla publičnaha sudzilišča abodvuch studentaŭ vyvieli z aŭdytoryi ŭ kajdankach.
Kamientary